ബ്രോഡ്ബാന്‍ഡ് ഇന്റര്‍നെറ്റിന്റെ വേഗത വര്‍ദ്ധിപ്പിക്കാനൊരുങ്ങി ബിഎസ്എന്‍എൽ. ജിയോ അടക്കമുള്ള കമ്പനികള്‍ ഉയര്‍ത്തിയ വെല്ലുവിളികളെ അതിജീവിക്കുകയാണ് ബിഎസ്എൻഎല്ലിന്റെ ലക്ഷ്യം.

നവംബര്‍ ഒന്നു മുതല്‍ ഇത് പ്രാബല്യത്തില്‍ വരും. ഇപ്പോള്‍ രണ്ട് എംബിപിഎസ് വേഗതയുള്ള പ്ലാനുകളുടെ വേഗം എട്ട് എംബിപിഎസ് വരെ ഉയര്‍ത്തും. 249 രൂപയുടെ അണ്‍ലിമിറ്റഡ് ബ്രോഡ്ബാന്‍ഡ് പ്ലാനില്‍ രണ്ട് എംബിയാണ് ഇപ്പോഴത്തെ വേഗം. ഇത് എട്ട് എംബിയായി മാറും. എന്നാൽ അഞ്ച് ജിബിക്ക് ശേഷം ഒരു എംബിപിഎസ് ആയിരിക്കും വേഗത.

499, 545, 650 രൂപയുടെ പ്ലാനുകളിലെല്ലാം ഇപ്പോള്‍ രണ്ട് എംബിപിഎസ് ആണ് വേഗത. ഇതെല്ലാം എട്ട് ആയി ഉയരും. എട്ട് എംബിപിഎസ് വേഗത്തിലുള്ള പ്ലാനുകള്‍ 10 എംബിപിഎസിലേക്കാണ് ഉയര്‍ത്തുന്നത്. പുതിയ വേഗത്തിലേക്കു ബ്രോഡ്ബാന്‍ഡ് കണക്ഷനുകള്‍ ഉയര്‍ത്താന്‍ എല്ലാ സര്‍ക്കിളുകള്‍ക്കും നിര്‍ദ്ദേശം നല്‍കിയിട്ടുണ്ട്.

എന്നാല്‍ നിരക്കില്‍ വ്യത്യാസം വരില്ല. പുതിയ തീരുമാനങ്ങളിലൂടെ കൂടുതൽ ഉപഭോക്താക്കളെ ആകര്‍ഷിക്കാൻ കഴിയുമെന്നാണ് കമ്പനിയുടെ കണക്കുകൂട്ടല്‍.

malayalam.goodreturns.in