അടുത്ത വർഷം കാർ വാങ്ങാൻ പ്ലാൻ ചെയ്യുന്നവരുടെ ശ്രദ്ധയ്ക്ക്.. വില കുതിച്ചുയരും. അടുത്ത ജനുവരി മുതലാകും വില കൂടുക. അസംസ്‌കൃത വസ്തുക്കളുടെ വിലയും ഉത്പാദന ചെലവിലുണ്ടായ വര്‍ദ്ധനവുമാണ് വില ഉയർത്താൻ കമ്പനികളെ നിർബന്ധിതരാക്കുന്നത്.

ഹോണ്ടയുടെ കാറുകൾക്ക് ഒന്നു മുതൽ രണ്ട് ശതമാനമാകും വിലവര്‍ദ്ധനവ്. ജനുവരി മുതൽ 25,000 രൂപ വരെ വില വർദ്ധിപ്പിക്കുമെന്ന് ഹോണ്ട കാർസ് ഇന്ത്യ അറിയിച്ചു.

ടയോട്ട മൂന്നു ശതമാനം വരെയാണ് വില വര്‍ദ്ധിപ്പിക്കുക. ഇതുവഴി വിവിധ മോഡലുകള്‍ക്ക് 5000 രൂപ മുതല്‍ 1.1 ലക്ഷം രൂപ വരെ വില വർദ്ധിക്കാൻ ഇടയുണ്ട്.

മഹീന്ദ്ര ആന്റ് മഹീന്ദ്രയുടെ കാറുകള്‍ക്ക് 7,000 രൂപ മുതല്‍ 30,000 രൂപ വരെയും സ്‌കോഡയ്ക്ക് 14,000 മുതല്‍ 50,000 രൂപ വരെയുമാണ് അതായത് രണ്ട് മുത മൂന്ന് ശതമാനം വരെയാണ് വില വര്‍ദ്ധിക്കുക.

malayalam.goodreturns.in