2018 ജനുവരി മുതൽ അമേരിക്കൻ വാഹന നിർമ്മാതാക്കളായ ഫോർഡും കാറുകളുടെ വില വർദ്ധിപ്പിക്കും. വില 4 ശതമാനം വരെ വർദ്ധിപ്പിക്കുമെന്ന് ഫോ‍ർഡ് ഇന്ത്യ അറിയിച്ചു.

വാഹന നിർമ്മാണത്തിനാവശ്യമായ അസംസ്കൃത വസ്തുക്കളുടെ വില വർദ്ധിപ്പിച്ചതാണ് വില വർദ്ധിപ്പിക്കാൻ കാരണം. ഫോ‍ർഡിന്റെ എല്ലാ വാഹനങ്ങൾക്കും വില വർദ്ധനവ് ബാധകമാണ്. ഏറ്റവും ഒടുവിൽ കമ്പനി പുറത്തിറക്കിയ ഫോർഡ് ഇക്കോസ്പോർടിന്റെ വിലയും നാല് ശതമാനം വർദ്ധിപ്പിക്കും.

ഫോഡ് ഇക്കോസ്പോർടിന്റെ ഏറ്റവും കുറഞ്ഞ മോഡലിന് 7,31,200 രൂപയാണ് വില. എന്നാൽ ഇത് 30,000 രൂപ വരെ വ്യത്യാസപ്പെടാൻ സാധ്യതയുണ്ട്.

ഹോണ്ടയുടെ കാറുകൾക്ക് ഒന്നു മുതൽ രണ്ട് ശതമാനം വരെയും ടൊയോട്ട മൂന്നു ശതമാനം വരെയും വില വര്‍ദ്ധിപ്പിക്കുമെന്ന് മുമ്പ് അറിയിച്ചിരുന്നു. മഹീന്ദ്ര ആന്റ് മഹീന്ദ്രയുടെ കാറുകള്‍ക്ക് 7,000 രൂപ മുതല്‍ 30,000 രൂപ വരെയും സ്‌കോഡയ്ക്ക് 14,000 മുതല്‍ 50,000 രൂപ വരെയുമാണ് വില വര്‍ദ്ധിക്കുക.

malayalam.goodreturns.in