രാജ്യത്തിന്റെ വടക്കൻ അതിർത്തിയിലേയ്ക്ക് ടെലികമ്യൂണിക്കേഷൻ സേവനങ്ങളുമായി എയർടെൽ. ഇന്നു മുതൽ ഭാരതി എയർടെല്ലിന്റെ 4 ജി സേവനം ലഡാക്കിലും ലഭിക്കും.

ലഡാക്ക് മേഖലയിൽ 4 ജി സേവനം എത്തിക്കുന്ന ഇന്ത്യയിലെ ആദ്യ ടെലികോം ഓപ്പറേറ്ററാണ് ഭാരതി എയർടെൽ. ഇനി മുതൽ കാർഗിൽ, ലേ, ദ്രാസ് തുടങ്ങിയ മേഖലകൾ ഉൾപ്പെടെ 130 ടൗണുകളിലെ ഉപഭോക്താക്കൾക്ക് ഉയർന്ന സ്പീഡിൽ ഡാറ്റാ സേവനങ്ങൾ ലഭിക്കും.

ലഡാക്ക് മേഖലയിലെ എയർടെൽ 4 ജി സേവനം പ്രാദേശികരെ മാത്രമല്ല ഈ മേഖലയിലെത്തുന്ന സന്ദർശകർക്കും ​ഗുണകരമാകും.

പ്രധാന ടൂറിസ്റ്റ് കേന്ദ്രങ്ങളായ കാർഗിൽ യുദ്ധ സ്മാരകം, മാഗ്നറ്റിക് ഹിൽ, ശാന്തി സ്തൂപം, ലേ പാലസ്, പാംഗോങ്ങ് തടാകം, സ്റ്റോക്ക് പാലസ്, ഹാൾ ഓഫ് ഫെയിം എന്നിവിടങ്ങളിലും എയർടെൽ 4 ജി സേവനം ലഭ്യമാണെന്ന് കമ്പനി പുറത്തിക്കിയ പ്രസ്താവനയിൽ അറിയിച്ചു.

malayalam.goodreturns.in