ബിറ്റ്‌കോയിന്‍ എക്‌സ്‌ചേഞ്ചുകളില്‍ ഇൻകം ടാക്സ് പരിശോധന

രാജ്യത്തെ ബിറ്റ്‌കോയിന്‍ എക്‌സ്‌ചേഞ്ചുകളില്‍ ആദായ നികുതി വകുപ്പിന്റെ പരിശോധന. നികുതി വെട്ടിപ്പുമായി ബന്ധപ്പെട്ട കാര്യങ്ങള്‍ പരിശോധിക്കുന്നതിനാണ് രാജ്യത്തെ പ്രമുഖ ബിറ്റ്‌കോയിന്‍ എക്‌സ്‌ചേഞ്ചുകളില്‍ ആദായ നികുതിവകുപ്പ് പരിശോധന നടത്തിയത്.

ബംഗളുരു ഓഫീസിലെ അന്വേഷണ സംഘത്തിന്റെ നേതൃത്വത്തിലാണ് പരിശോധനകൾ നടത്തിയത്. ഡല്‍ഹി, ബംഗളുരു, ഹൈദരാബാദ്, കൊച്ചി, ഗുരുഗ്രാം തുടങ്ങി ഒമ്പത് എക്‌സ്‌ചേഞ്ചുകളിൽ ഇവർ പരിശോധന നടത്തി.

ഇൻകം ടാക്സ് ആക്ട് വിഭാഗത്തിന്റെ 133 എ വകുപ്പ് പ്രകാരം നടത്തിയ സർവേയിൽ നിക്ഷേപകരുടെയും ഇടപാടുകാരുടെയും വിവരങ്ങള്‍, ഇവര്‍ നടത്തിയ ഇടപാടുകള്‍, ഉപയോഗിച്ച ബാങ്ക് അക്കൗണ്ടുകള്‍ തുടങ്ങിയവ സംഘം ശേഖരിച്ചു.

വിവിധ എക്സ്ചേഞ്ചുകളിലെ സാമ്പത്തിക വിവരങ്ങളടക്കം സംഘം പരിശോധിച്ചിട്ടുണ്ട്. ഇതാദ്യമായാണ് ഇത്തരം സ്ഥാപനങ്ങളില്‍ നിന്ന് വിവരങ്ങള്‍ ശേഖരിക്കുന്നത്. വിർച്വൽ കറൻസിയായ ബിറ്റ്കോയിൻ ഇടപാടുകൾ രാജ്യത്ത് ഇതു വരെ അംഗീകരിച്ചിട്ടില്ല. കേന്ദ്ര ബാങ്കുകള്‍ അടക്കം ബിറ്റ്കോയിൻ ഇടപാടുകൾ കരുതലയോടെയാണ് നിരീക്ഷിക്കുന്നത്.

malayalam.goodreturns.in