എച്ച്ഡിഎഫ്സി ബാങ്ക് ഓഹരികൾ 2.7 ശതമാനം ഉയരത്തിൽ എത്തി. ഫണ്ട് സമാഹരണത്തിനുള്ള നിർദ്ദേശം പരിഗണിക്കുന്ന ബോർഡ് മീറ്റിങ്ങിന് മുന്നോടിയായാണ് ഓഹരികൾ കുതിച്ചുയർന്നത്.

രാജ്യത്തെ രണ്ടാമത്തെ വലിയ പൊതുമേഖലാ ബാങ്കായ എച്ച്ഡിഎഫ്സി, ബാങ്കിന്റെ ഡയറക്ടർ ബോർഡ് മീറ്റിം​ഗ് ഡിസംബർ 20 ന് നടക്കുമെന്ന് അറിയിച്ചിരുന്നു. ഇക്വിറ്റി ഷെയ‍ർ, ഡിപോസിറ്ററി രസീതുകൾ, മറ്റ് സെക്യൂരിറ്റി ഇഷ്യൂ തുടങ്ങിയവയിലൂടെ ഫണ്ട് സമാഹരിക്കുന്നതിനുള്ള നിർദ്ദേശങ്ങൾ പരിഗണിക്കുന്നതിനാണ് ഡയറക്ടർ ബോർഡ് മീറ്റിം​ഗ് നടത്തുന്നത്.

ബാങ്കിന്റെ പ്രൊമോട്ടറായ ഹൗസിങ് ഡെവലപ്മെന്റ് ഫിനാൻസ് കോർപ്പറേഷന്റെ മുൻഗണനാ പ്രശ്നവും ബോർഡ് പരിഗണിക്കും. ഈ നി‍ർദ്ദേശങ്ങൾക്ക് ബോർഡിന്റെ അംഗീകാരം ലഭിച്ചു കഴിഞ്ഞാൽ ഓഹരിയുടമകളുടെ അംഗീകാരം നേടുന്നതിന് ഒരു ജനറൽ മീറ്റിം​ഗ് കൂടി നടത്തുമെന്നും ബാങ്ക് അറിയിച്ചു.

അതുകൊണ്ടു തന്നെ, ബാങ്ക് സെക്യൂരിറ്റികളുമായി ഇടപാടു നടത്തുന്ന ട്രേഡിം​ഗ് വിൻഡോ, ഡിസംബർ 15 മുതൽ ഡിസംബർ 22 വരെ ക്ലോസ് ചെയ്യും.

malayalam.goodreturns.in