അമേരിക്ക ആസ്ഥാനമായ ട്വന്റി ഫസ്റ്റ് സെഞ്ചുറി ഫോക്‌സ്' എന്ന പ്രശസ്തമായ വിനോദ-മാധ്യമ സ്ഥാപനത്തെ വാള്‍ട്ട് ഡിസ്‌നി കമ്പനി ഏറ്റെടുക്കുന്നു. 5,240 കോടി ഡോളറിനാണ് ഏറ്റെടുക്കല്‍.

ലോകത്തെ ഏറ്റവും വലിയ മാധ്യമഭീമനായ റുപര്‍ട്ട് മര്‍ഡോക്കിന്റേതാണ് ട്വന്റി ഫസ്റ്റ് സെഞ്ചുറി ഫോക്‌സ്. ഇതിനൊപ്പം സ്‌കൈ ചാനലിന്റെ 39 ശതമാനം ഓഹരി പങ്കാളിത്തവും ഡിസ്‌നിക്ക് ലഭിക്കും. ഫോക്‌സ് ബിസിനസ്, ഫോക്‌സ് ന്യൂസ്, ഫോക്‌സ് സ്‌പോര്‍ടസ് തുടങ്ങിയ ചാനലുകള്‍ മര്‍ഡോക്കിന്റെ പക്കൽ തന്നെയായിരിക്കും

ഫോക്‌സിന്റെ ചലച്ചിത്ര-ടി.വി. സ്റ്റുഡിയോകള്‍, കേബിള്‍ വിനോദ ശൃംഖലകള്‍, അന്താരാഷ്ട്ര ടിവി ബിസിനസുകള്‍, ജനപ്രിയ വിനോദ പരിപാടികള്‍, നാഷണല്‍ ജ്യോഗ്രഫിക് തുടങ്ങിയവയാണ് ഡിസ്‌നിക്ക് സ്വന്തമാകുക. സ്റ്റാര്‍ ചാനല്‍ ശൃംഖലയും ഡിസ്നിക്ക് കൈമാറും.

കൈമാറ്റ നടപടികൾ പൂർത്തിയാകാൻ ഒന്നര വര്‍ഷം എടുക്കും. ഇത് പൂര്‍ണമായാൽ ഡിസ്‌നിയില്‍ 4.4 ശതമാനം ഓഹരി പങ്കാളിത്തം മര്‍ഡോക്കിനുണ്ടാകും.

malayalam.goodreturns.in