Volkswagen to hike prices by up to ₹ 20,000 from January

ജർമ്മൻ വാഹന നിർമ്മാതാക്കളായ ഫോക്സ്‍വാഗൺ ജനുവരി മുതൽ ഇന്ത്യയിൽ വാഹനങ്ങളുടെ വില വർധിപ്പിക്കാൻ തീരുമാനിച്ചു. 20,000 രൂപ വരെ വില കൂട്ടാനാണ് കമ്പനി തീരുമാനിച്ചിരിക്കുന്നത്.

ഇന്ത്യയിലുള്ള വിവിധ മോഡലുകളെ ആശ്രയിച്ചായിരിക്കും വില വർദ്ധിപ്പിക്കുന്നതെന്ന് കമ്പനിയുടെ പ്രസ്താവനയിൽ പറയുന്നു. വാഹന നിർമ്മാണത്തിനാവശ്യമായ അസംസ്കൃത വസ്തുക്കളുടെ വില വർദ്ധിപ്പിച്ചതാണ് വിവിധ കാർ കമ്പനികൾ വില വർദ്ധിപ്പിക്കാൻ കാരണം.

കഴിഞ്ഞ ദിവസം മാരുതി സുസുക്കിയും വില വർദ്ധനവിനെക്കുറിച്ച് അറിയിച്ചിരുന്നു. അടുത്ത മാസം മുതൽ 2 ശതമാനം വരെയാണ് മാരുതി വില വർദ്ധിപ്പിക്കുന്നത്.

വിവിധ വാഹന നിർമ്മാതാക്കളായ ടാറ്റാ മോട്ടോഴ്സ്, ഫോ‍ർഡ്, ടൊയോട്ട കിർലോസ്കർ മോട്ടോർസ്, ഹോണ്ട കാർസ് ഇന്ത്യ, സ്കോഡ, ഇസുസു മുതലായ കമ്പനികളും അടുത്ത വർഷം മുതൽ വില വർദ്ധനവ് പ്രഖ്യാപിച്ചിട്ടുണ്ട്.

malayalam.goodreturns.in

English summary