സംസ്ഥാന - ജില്ലാ സഹകരണ ബാങ്കുകളും പ്രാഥമിക വായ്പാ സഹകരണ സംഘങ്ങളും നിക്ഷേപങ്ങൾക്കും വായ്പകൾക്കുമുള്ള പലിശ നിരക്ക് കുറച്ചു. നിക്ഷേപങ്ങൾക്ക് കാൽ ശതമാനമാണ് കുറവ് വരുത്തിയത്.

വായ്പകൾക്ക് കാൽ മുതൽ അര ശതമാനം വരെ കുറവ് വരുത്തിയിട്ടുണ്ട്. ഡിസംബർ 16 മുതലാണ് പുതിയ നിരക്കുകൾ നിലവിൽ വന്നത്.

സ്വ‍ർണ പണയം, കുടുംബശ്രീ യൂണിറ്റുകൾക്കുള്ള വായ്പ തുടങ്ങിയവയുടെ പലിശയ്ക്ക് മാറ്റമില്ല. ഭവന, വാഹന വായ്പകൾക്ക് അര ശതമാനം പലിശ കുറയും. വിവാഹ, ചികിത്സാ വായ്പകൾ, വീട് അറ്റകുറ്റ പണി, കൺസ്യൂമ‍ർ വായ്പ, ഇഎംഎസ് ഭവന പദ്ധതി, വ്യവസായ വായ്പ, സ്വയം തൊഴിൽ വായ്പ, വിദ്യാഭ്യാസ വായ്പ തുടങ്ങിയവയുടെ പലിശ കാൽ ശതമാനം കുറയും.

15 മുതൽ 45 ദിവസം വരെയുള്ള നിക്ഷേപങ്ങൾക്ക് പലിശ നിരക്കിൽ മാറ്റമില്ല. മറ്റിനങ്ങൾ​ക്ക് മാത്രമാണ് പലിശ കാൽ ശതമാനം കുറച്ചത്.

malayalam.goodreturns.in