എസ്ബിഐ - എസ്ബിടി ബാങ്കുകളുടെ ലയനത്തെ തുടർന്ന് ഡിസംബര് 31നുശേഷം എസ്ബിഐ അനുബന്ധ ബാങ്കുകളുടെ ചെക്കുബുക്കുകള് അസാധുവാകും. ഇതിന് പകരം പുതുക്കിയ ചെക്ക്ബുക്കുകൾ ലഭിക്കും.
പുതിയ ഐഎഫ്എസ്സി കോഡ് രേഖപ്പെടുത്തിയ ചെക്കുബുക്കുകളാണ് ലഭിക്കുക. സെപ്റ്റംബര് 30 വരെയായിരുന്നു ചെക്ക്ബുക്കുകളുടെ കാലാവധി. എന്നാല് പിന്നീട് കാലാവധി നീട്ടുകയായിരുന്നു. റിസര്വ് ബാങ്കിന്റെ നിര്ദേശ പ്രകാരമാണ് ഇപ്പോൾ കാലാവധി നീട്ടിയത്.
ഭാരതീയ മഹിളാ ബാങ്ക്, സ്റ്റേറ്റ് ബാങ്ക് ഓഫ് പട്യാല, ബിക്കാനീര് ആന്റ് ജെയ്പുര്, സ്റ്റേറ്റ് ബാങ്ക് ഓഫ് റായ്പുര്, ട്രാവന്കൂര് തുടങ്ങിയ ബാങ്കുകളാണ് എസ്ബിഐയുമായി ലയിച്ചത്. ഈ ബാങ്കുകളുടെ ചെക്കുബുക്കുകളാണ് മാറ്റി നല്കുക.
അക്കൗണ്ട് ഉടമകള്ക്ക് പുതിയ ചെക്ക്ബുക്കുകള് ബാങ്കിൽ നിന്ന് അയയ്ക്കും. ബാങ്കിൽ നേരിട്ടെത്തിയും ചെക്ക് ബുക്ക് കൈപ്പറ്റാവുന്നതാണ്. എടിഎം, എസ്ബിഐ മൊബൈല് ആപ്, നെറ്റ് ബാങ്കിംഗ് എന്നിവ വഴിയും ചെക്ക്ബുക്കിന് അപേക്ഷിക്കാം.
malayalam.goodreturns.in