പ്രമുഖ കാർ നിർമ്മാതാക്കളായ മാരുതി സുസുക്കി സെലെറിയോയുടെ ഏറ്റവും പുതിയ മോഡലായ ടൂർ എച്ച്ടു മോഡൽ പുറത്തിറക്കി. 4.21 ലക്ഷം രൂപ മുതലാണ് എക്സ്ഷോറൂം വില.
ക്യാബ് സർവ്വീസ് ലക്ഷ്യമിട്ട് പുറത്തിറക്കിയിരിക്കുന്നതാണ് പുതിയ മോഡൽ. LXI (O) വേരിയന്റ് അടിസ്ഥാനമാക്കിയുള്ളതാണിത്. പഴയ മോഡലിനേക്കാൾ 13,000 രൂപ വില കൂടുതലാണിതിന്. പുതിയ പതിപ്പിൽ ഓട്ടോമേറ്റഡ് മാനുവൽ ട്രാൻസ്മിഷൻ (എഎംടി) ഓപ്ഷൻ ഇല്ല.
സർക്കാർ ടാക്സികൾക്ക് വേഗ പരിധി നിർണയിക്കുന്ന സംവിധാനം നിർബന്ധമാക്കിയതിനാൽ സെലെറിയോ ടൂർ എച്ച്ടുവിൽ ഇത് സജ്ജീകരിച്ചിട്ടുണ്ട്. ടൂർ എസ് പതിപ്പായ ഡിസയറിലും വേഗപരിധി 80 കിലോ/മണിക്കൂർ ആക്കിയിട്ടുണ്ട്.
മാരുതി അടുത്തിടെ സെലേറിയോയുടെ തന്നെ മറ്റൊരു മോഡൽ ഇന്ത്യൻ വിപണിയിൽ ലഭ്യമാക്കിയിരുന്നു. സെലേറിയോ എക്സ് എന്ന ക്രോസ്ഓവർ പതിപ്പായിരുന്നു ഇത്. 2018ലെ ഓട്ടോ എക്സ്പോയിൽ സ്വിഫ്റ്റിന്റെ 2018 പതിപ്പ് അവതരിപ്പിക്കുമെന്ന് കമ്പനി അറിയിച്ചു.
malayalam.goodreturns.in