സ്കോഡ ഓട്ടോ ഇന്ത്യ ലിമിറ്റഡ് എല്ലാ മോഡലുകളുടെയും വില ഉടൻ വർദ്ധിപ്പിക്കും. മാർച്ച് ഒന്നു മുതൽ എല്ലാ മോഡലുകളുടെയും വില 35,000 രൂപ വരെ വർദ്ധിപ്പിക്കാനാണ് കമ്പനിയുടെ തീരുമാനം.

കേന്ദ്ര ബജറ്റിൽ കസ്റ്റംസ് തീരുവ വർദ്ധിപ്പിച്ചതിനെ തുടർന്നാണ് കാറുകളുടെ വില ഉയർത്താൻ കമ്പനി തീരുമാനിച്ചത്. വില ഒരു ശതമാനം വർദ്ധിപ്പിക്കാനാണ് തീരുമാനം. ഇത് വിവിധ മോഡലുകളുടെ വിലയിൽ 10000 മുതൽ 35000 രൂപ വരെ വ്യത്യാസം വരുത്തും.

ഉൽപ്പന്നത്തിന്റെയും വേരിയന്റിന്റെയും വ്യത്യാസം അനുസരിച്ച് മൾട്ടി-സ്റ്റെപ്പ് വില 3 മുതൽ 4 ശതമാനം വരെ ഉയരാൻ സാധ്യതയുണ്ടെന്നും കമ്പനി അധികൃതർ പറയുന്നു.

ഇതു കൂടാതെ, മറ്റൊരു സ്കോഡ കാർ വാങ്ങാൻ ആഗ്രഹിക്കുന്ന നിലവിലുള്ള ഉപഭോക്താക്കൾക്ക് 50,000 രൂപ വരെ ലോയൽറ്റി ബോണസും കമ്പനി നൽകും.

malayalam.goodreturns.in