കേരളം ആസ്ഥാനമായി പ്രവർത്തിക്കുന്ന ആസ്റ്റർ ഡിഎം ഹെൽത്ത് കെയറിന്റെ ഓഹരികൾ ഇന്ന് സ്റ്റോക്ക് എക്സ്ചേഞ്ചുകളിൽ ലിസ്റ്റ് ചെയ്യും. നാഷണൽ സ്റ്റോക്ക് എക്സ്ചേഞ്ചിലും ബോംബെ സ്റ്റോക്ക് എക്സ്ചേഞ്ചിലും ഇന്ന് തന്നെയാണ് ഓഹരികൾ ലിസ്റ്റ് ചെയ്യുക.

കൊച്ചി കപ്പൽശാലയുടെ ലിസ്റ്റിം​ഗിന് ശേഷം ആദ്യമായാണ് കേരളം ആസ്ഥാനമായ മറ്റൊരു കമ്പനിയുടെ ഓഹരികൾ സ്റ്റോക്ക് എക്സ്ചേഞ്ചുകളിൽ വ്യാപാരം ചെയ്യാൻ തുടങ്ങുന്നത്.

ഫെബ്രുവരു 12 മുതൽ 15 വരെയായിരുന്നു ആസ്റ്റർ ഡിഎം ഹെൽത്ത് കെയറിന്റെ പ്രാഥമിക ഓഹരി വിൽപ്പന. ഐപിഒയിലൂടെ 983 കോടി രൂപയാണ് കമ്പനി സമാഹരിച്ചത്.

10 രൂപ മുഖവിലയുള്ള ഓഹരികൾ 180 മുതൽ 190 രൂപ വരെ നിലവാരത്തിലാണ് വിൽപ്പനയ്ക്ക് വയ്ക്കുന്നത്. മലയാളിയായ ഡോ. ആസാദ് മൂപ്പന്റേതാണ് കമ്പനി. കടങ്ങൾ വീട്ടുന്നതിനും കൂടുതൽ മെഡിക്കൽ ഉപകരണങ്ങൾ വാങ്ങുന്നതിനുമാണ് ഐപിഒയിലൂടെ സമാഹരിക്കുന്ന തുക ഉപയോഗിക്കുകയെന്ന് ഡോ. ആസാദ് മൂപ്പൻ വ്യക്തമാക്കിയിരുന്നു.

malayalam.goodreturns.in