കല്യാൺ ജൂവലേഴ്സ് പ്രാഥമിക ഓഹരി വിൽപ്പനയ്ക്ക് (ഐപിഒ) ഒരുങ്ങുന്നു. ഓഹരി വിൽപ്പന വഴി 2500 കോടി രൂപ സമാഹരിക്കുകയാണ് കല്യാൺ ജൂവലേഴ്സിന്റെ ലക്ഷ്യം.

ഓഹരി വിൽപ്പനയുമായി ബന്ധപ്പെട്ട രേഖകൾ ഒരു മാസത്തിനുള്ളിൽ സെബിയ്ക്ക് കൈമാറുമെന്നാണ് പുറത്തു വന്നിരുക്കുന്ന വിവരം. ആക്സിസ് ക്യാപിറ്റൽ, ഐസിഐസിഐ സെക്യൂരിറ്റീസ്, യുബിഎസ് എന്നീ സ്ഥാപനങ്ങളെയാണ് ഓഹരി വിൽപ്പന മാനേജ് ചെയ്യുന്നതിനായി ചുമതലപ്പെടുത്തിയിരിക്കുന്നത്.

എന്നാൽ പിഎന്‍ബി തട്ടിപ്പിന് ശേഷം ജൂവലറി ഓഹരികളുടെ വിലയില്‍ കനത്ത ഇടിവ് രേഖപ്പെടുത്തുന്ന സാഹചര്യത്തിലാണ് കല്യാൺ ജൂവലേഴ്സ് ഓഹരി വിൽപ്പനയ്ക്ക് ഒരുങ്ങുന്നത്. തട്ടിപ്പ് പുറത്തുവന്ന ഫെബ്രുവരി 13നുശേഷം ബിഎസ്ഇയില്‍ ലിസ്റ്റ് ചെയ്ത 46 ജൂവലറി ഓഹരികളില്‍ 11 എണ്ണം മാത്രമാണ് നേട്ടമുണ്ടാക്കിയത്.

26 ജൂവലറികളുടെ ഓഹരി വിലയിൽ കനത്ത നഷ്ടമാണുണ്ടായിരിക്കുന്നത്. ഗീതാഞ്ജലി ജെംസിന്റെ ഓഹരി വില 58.5 ശതമാനം ഇടിഞ്ഞ് 26.10 രൂപയിലെത്തി.

malayalam.goodreturns.in