സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) റീട്ടെയിൽ ഡെപ്പോസിറ്റ് നിരക്കുകൾ 10 മുതൽ 50 ബേസിസ് പോയിന്റ് വരെ ഉയർത്തി. വിവിധ കാലാവധികളിലുള്ള നിക്ഷേപത്തിന്റെ പലിശ നിരക്കാണ് കൂട്ടിയത്.

7 മുതൽ 45 ദിവസം വരെയുള്ള നിക്ഷേപങ്ങൾക്ക് വാർഷിക പലിശനിരക്ക് 5.25 ശതമാനത്തിൽ നിന്ന് 5.75 ശതമാനമായാണ് ഉയ‍ർത്തിയിരിക്കുന്നത്. 1 വർഷം കാലാവധിയുള്ള നിക്ഷേപത്തിന് ഉപഭോക്താക്കൾക്ക് ഇപ്പോൾ 6.40 ശതമാനം പലിശ ലഭിക്കും. നേരത്തെ ഇത് 6.25 ശതമാനമായിരുന്നു.

രണ്ട് വർഷം മുതൽ 10 വർഷം വരെ കാലാവധിയുള്ള നിക്ഷേപങ്ങളുടെ പലിശ നിരക്ക് 6 ശതമാനത്തിൽ നിന്ന് 6.50 ശതമാനമായി ഉയരും. മുതിർന്ന പൗരന്മാർക്ക് അവരുടെ നിക്ഷേപങ്ങൾക്ക് 7 ശതമാനം വരെ പലിശ ലഭിക്കും. നിലവിൽ ഇത് 6.50 ശതമാനമാണ്.

ഇന്ന് മുതലാണ് പുതിയ നിരക്കുകൾ പ്രാബല്യത്തിൽ വരുന്നത്. ഒരു കോടിയ്ക്ക് മുകളിൽ നിക്ഷേപം നടത്തുന്നവർക്കും ഇനി മുതൽ കൂടുതൽ പലിശ ലഭിക്കും. പഞ്ചാബ് നാഷണൽ ബാങ്ക്, കർണാടക ബാങ്ക് തുടങ്ങിയ ബാങ്കുകളും നിക്ഷേപ പലിശ നിരക്കുകൾ വർദ്ധിപ്പിച്ചു.

malayalam.goodreturns.in