സർക്കാർ ഉടമസ്ഥതയിലുള്ള പ്രതിരോധ കമ്പനിയായ ഹിന്ദുസ്ഥാൻ എയ്റോനോട്ടിക്സിന്റെ പ്രാഥമിക ഓഹരി വിൽപ്പന ഇന്ന് ആരംഭിക്കും. ബിഎസ്ഇയിലും എൻഎസ്ഇയിലുമുള്ള ഇക്വിറ്റി ഷെയറുകൾ ലിസ്റ്റ് ചെയ്തു കഴിഞ്ഞു.

എസ്ബിഐ ക്യാപിറ്റൽ മാർക്കറ്റ്സ്, ആക്സിസ് ക്യാപിറ്റൽ എന്നിവയാണ് ഐപിഒ മാനേജർമാർ. മാർച്ച് 20ന് ഓഹരി വിൽപ്പന അവസാനിക്കും. വിമാനം, ഹെലികോപ്ടറുകൾ, എയ്റോ എൻജിനുകൾ, ഏവിയോണിക്സ് തുടങ്ങിയ വൈവിധ്യമാർന്ന ഉത്പന്നങ്ങളുടെ രൂപകൽപ്പന, വികസനം, നിർമ്മാണം, അറ്റകുറ്റപ്പണി, പുനർനിർമാണം, നവീകരണം എന്നിവ നടത്തിക്കൊടുക്കുന്ന കമ്പനിയാണ് ഹിന്ദുസ്ഥാൻ എയ്റോനോട്ടിക്സ്.

4,144.06 കോടി രൂപയാണ് ഐപിഒയിലൂടെ കമ്പനി ലക്ഷ്യം വയ്ക്കുന്നത്. എച്ച്.എ.എല്ലിന്റെ 10 ശതമാനം ഓഹരികള്‍ വില്‍ക്കാന്‍ കേന്ദ്ര സര്‍ക്കാര്‍ 2012-ല്‍ തന്നെ അനുമതി നല്‍കിയിരുന്നു. എന്നാല്‍, പല കാരണങ്ങളാല്‍ ഓഹരിവില്‍പ്പന നീണ്ടു പോകുകയായിരുന്നു.

പ്രതിരോധ രംഗത്തു നിന്ന് ഓഹരി വിപണിയിലെത്തുന്ന ആദ്യ പൊതുമേഖലാ സ്ഥാപനമാണ് ഹിന്ദുസ്ഥാൻ എയ്റോനോട്ടിക്സ്.

malayalam.goodreturns.in