ഇന്ത്യന്‍ വിപണിയില്‍ ഓഡി കാറുകളുടെ വില വര്‍ദ്ധിപ്പിക്കാന്‍ ഓഡി ഇന്ത്യ തീരുമാനിച്ചു. 4 ശതമാനം വര്‍ദ്ധനവാണ് കമ്പനി തീരുമാനിച്ചിരിക്കുന്നത്. എല്ലാ വാഹനങ്ങളുടെ വിലയും വ്യത്യാസപ്പെടും.

എന്നാൽ മോഡലുകള്‍ക്ക് അനുസരിച്ചായിരിക്കും വില വർദ്ധനവ്. 1 ലക്ഷം മുതല്‍ 9 ലക്ഷം രൂപ വരെ വില വര്‍ദ്ധിക്കുമെന്നാണ് വിവരം. ഏപ്രില്‍ 1 മുതല്‍ ഈ മാറ്റം നടപ്പാക്കും.

കേന്ദ്ര ബജറ്റിൽ കസ്റ്റംസ് തീരുവ ഉയര്‍ത്തിയതാണ് വില വർദ്ധനവിന് കാരണം. ഇതോടൊപ്പം സോഷ്യല്‍ വെല്‍ഫെയര്‍ സര്‍ ചാര്‍ജ്ജും കൂടി. അതിനാലാണ് കമ്പനി വില വര്‍ദ്ധിപ്പിക്കുന്നതെന്ന് ഓഡി ഇന്ത്യ മേധാവി റാഹില്‍ അന്‍സാരി വ്യക്തമാക്കി.

ഉപഭോക്താക്കളെ വില വര്‍ദ്ധനവ് കാര്യമായി ബാധിക്കാതിരിക്കാന്‍ പരമാവധി ശ്രമിക്കുന്നതായി വിവിധ ഓഡി ഫിനാന്‍സ് സ്‌കീമുകള്‍ക്കൊപ്പം സെയില്‍സ്, സര്‍വ്വീസ് ബെനഫിറ്റുകളും ഉപയോക്താക്കള്‍ക്ക് നല്‍കുന്നുണ്ട്. മറ്റ് പല വാഹന നി‌ർമ്മാതാക്കളും നേരത്തെ തന്നെ വില വർദ്ധിപ്പിച്ചിരുന്നു.

malayalam.goodreturns.in