രണ്ട് ദിവസത്തിന് ശേഷം ഇന്ന് സ്വര്ണ വിലയിൽ വർദ്ധനവ്. പവന് 120 രൂപ കൂടി 22,640 രൂപയും ഗ്രാമിന് 15 രൂപ വര്ദ്ധിച്ച് 2,830 രൂപയിലുമാണ് വ്യാപാരം പുരോഗമിക്കുന്നത്.
രണ്ട് ദിവസമായി പവന് 22520 രൂപയും ഗ്രാമിന് 2815 രൂപയിലുമാണ് വ്യാപാരം പുരോഗമിച്ചിരുന്നത്. അതിന് മുമ്പ് സ്വർണത്തിന് ഈ മാസത്തെ ഏറ്റവും കുറഞ്ഞ വിലയും രേഖപ്പെടുത്തിയിരുന്നു.
രണ്ടാഴ്ച്ച മുമ്പ് സ്വർണത്തിന് ഈ മാസത്തെ ഏറ്റവും ഉയർന്ന വിലയിൽ വ്യാപാരം നടന്നിരുന്നെങ്കിലും അതിന് ശേഷം വില താഴേയ്ക്ക് പോകുകയായിരുന്നു. 22,720 രൂപയാണ് ഈ മാസത്തെ ഏറ്റവും ഉയർന്ന വില.
ആഗോള വിപണിയിൽ സ്വർണ വിലയിൽ വർദ്ധനവ് രേഖപ്പെടുത്തിയതാണ് ആഭ്യന്തര വിപണിയിലും വില കൂടാൻ കാരണം. 22,800 രൂപയാണ് ഫെബ്രുവരിയിലെ ഏറ്റവും ഉയർന്ന വില. ഈ വർഷത്തെ തന്നെ ഏറ്റവും ഉയർന്ന വിലയും ഇത് തന്നെയാണ്. ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്.
malayalam.goodreturns.in