പലിശ നിരക്കുകളിൽ പുതിയ മാറ്റങ്ങളുമായി എസ്ബിഐ രംഗത്ത്. രണ്ടു വർഷത്തെ കാലാവധിക്ക് മുകളിലുള്ള നിക്ഷേപങ്ങളുടെ പലിശ നിരക്കിലാണ് എസ്ബിഐ മാറ്റം വരുത്തിയിരിക്കുന്നത്.
രണ്ട് മുതൽ മൂന്ന് വർഷം വരെയുള്ള നിക്ഷേപങ്ങളുടെ പലിശ നിരക്ക് 6.5 ശതമാനത്തിൽ നിന്ന് 6.6 ശതമാനമായാണ് ഉയർത്തിയിരിക്കുന്നത്. മൂന്ന് മുതൽ അഞ്ച് വർഷം വരെയുള്ള നിക്ഷേപങ്ങളുടെ പലിശ നിരക്ക് 6.5 ശതമാനത്തിൽ നിന്ന് 6.7 ശതമാനമായും ഉയർത്തിയിട്ടുണ്ട്.
അഞ്ച് മുതൽ 10 വർഷം വരെയുള്ള നിക്ഷേപങ്ങളുടെ പലിശ നിരക്കിലും മാറ്റം വരുത്തിയിട്ടുണ്ട്. 6.5 ശതമാനത്തിൽ നിന്ന് 6.75 ശതമാനമായാണ്
നിരക്ക് ഉയർത്തിയിരിക്കുന്നത്.
ഒരു കോടി രൂപയ്ക്ക് മുകളിലുള്ള നിക്ഷേപങ്ങളുടെ പലിശ നിരക്കും കൂടി. ഒരു വർഷം മുതൽ രണ്ട് വർഷം കാലാവധിയുള്ള ഒരു കോടിയ്ക്ക് മുകളിലുള്ള നിക്ഷേപങ്ങളുടെ പലിശ മുമ്പ് 6.5 ശതമാനമായിരുന്നു. എന്നാൽ പുതുക്കിയ നിരക്ക് അനുസരിച്ച് എഴ് ശതമാനമാണ് പലിശ.
malayalam.goodreturns.in