തുടര്‍ച്ചയായ വില വർദ്ധനവിന് ശേഷം ഇന്ന് സ്വര്‍ണ വിലയില്‍ നേരിയ കുറവ് രേഖപ്പെടുത്തി. പവന് 80 രൂപ കുറഞ്ഞ് 22,840 രൂപയും ഗ്രാമിന് 10 രൂപ കുറഞ്ഞ് 2,855 രൂപയിലുമാണ് വ്യാപാരം പുരോഗമിക്കുന്നത്.

ഇന്നലെ പവന് 22,920 രൂപയും ഗ്രാമിന് 2,865 രൂപയിലുമായിരുന്നു വ്യാപാരം നടന്നത്. ഈ മാസത്തിലെയും ഈ വർഷത്തെ തന്നെയും ഏറ്റവും ഉയര്‍ന്ന നിരക്കിലാണ് ഇന്നലെ വ്യാപാരം നടന്നത്.

ആഗോള വിപണിയിൽ സ്വർണ വിലയിൽ നേരിയ ഇടിവ് രേഖപ്പെടുത്തിയതാണ് ആഭ്യന്തര വിപണിയിലും വില കുറയാൻ കാരണം. 22,800 രൂപയാണ് കഴിഞ്ഞ മാസത്തെ ഏറ്റവും ഉയ‍ർന്ന വില. ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്.

മാർച്ച് ആദ്യ ആഴ്ച്ചയിൽ സ്വ‍ർണത്തിന് ഉയ‍ർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോയി. എന്നാൽ കഴിഞ്ഞ ആഴ്ച്ച വില കുതിച്ചുയർന്നു. മാസവസാനത്തോടെ വില വീണ്ടും താഴേയ്ക്ക് പോകുമെന്നാണ് നിലവിലെ സൂചന.

malayalam.goodreturns.in