സംസ്ഥാനത്ത് സ്വര്‍ണ വില അഞ്ചാം ദിവസവും മാറ്റമില്ലാതെ തുടരുന്നു. പവന് 22,600 രൂപയും ഗ്രാമിന് 2,825 രൂപയുമാണ് ഇന്നത്തെ വില. മാര്‍ച്ച് 27ന് ഒരു വര്‍ഷത്തെ ഉയര്‍ന്ന വിലയായ 2,865 രൂപയിലെത്തിയിരുന്നു.

2016 നവംബറിന് ശേഷമുള്ള ഏറ്റവും വലിയ വിലയായിരുന്നു ഇത്. ഇതില്‍ നിന്നും 45 രൂപയുടെ കുറവ് മാത്രമാണ് ഇപ്പോൾ ഉള്ളത്. കഴിഞ്ഞ വര്‍ഷത്തെ അപേക്ഷിച്ച് സംസ്ഥാനത്ത് സ്വര്‍ണത്തിന് പൊതുവെ കൂടിയ വിലയാണിപ്പോഴുള്ളത്.

ആഗോള വിപണിയിൽ സ്വർണ വിലയിൽ ഇടിവ് രേഖപ്പെടുത്തിയതാണ് ആഭ്യന്തര വിപണിയിലെ നേരിയ വില കുറവിന് കാരണം. 22,800 രൂപയാണ് കഴിഞ്ഞ മാസത്തെ ഏറ്റവും ഉയ‍ർന്ന വില.

ഫെബ്രുവരിയിലെ ഏറ്റവും കുറഞ്ഞ വില 22,240 രൂപയാണ്. മാർച്ച് ആദ്യ ആഴ്ച്ചയിൽ സ്വ‍ർണത്തിന് ഉയ‍ർന്ന വില രേഖപ്പെടുത്തിയിരുന്നെങ്കിലും പിന്നീട് വില താഴേയ്ക്ക് പോയി. ഏപ്രിലിൽ ഇതുവരെ വിലയിൽ മാറ്റം രേഖപ്പെടുത്തിയിട്ടില്ല.

malayalam.goodreturns.in