എഫ് 1

എഫ് 1 എന്നാണ് 132 കോടി വിലയുള്ള നമ്പർ പ്ലേറ്റിലെ നമ്പർ. ഫോർമുല വൺ എന്നാണ് ഇത് സൂചിപ്പിക്കുന്നത്.

ഉടമ

ഖാൻ ഡിസൈനിന്റെ ഉടമ അഫ്സൽ ഖാൻ ആണ് പരസ്യം പോസ്റ്റ് ചെയ്തിരിക്കുന്നത്. നിലവിൽ അദ്ദേഹത്തിന്റെ സ്വന്തം കാറായ ബുഗാട്ടി വെയിറോണിലാണ് നമ്പർ പ്ലേറ്റുള്ളത്. 10.52 കോടി മുടക്കിയാണ് അഫ്സൽ ഖാൻ ഈ വർഷം ആദ്യം ഈ നമ്പർ സ്വന്തമാക്കിയത്.

വില

പരസ്യത്തിൽ നൽകിയിരിക്കുന്ന വില 110 കോടി രൂപ മാത്രമാണ്. എന്നാൽ 20 ശതമാനം വാറ്റ്, കൈമാറ്റ ഫീസ് എന്നിവയ്ക്ക് ശേഷം വില 132 കോടി രൂപയായി ഉയരും.

യുകെയിൽ നമ്പർ പ്ലേറ്റുകൾ വിൽക്കാം

യുകെയിൽ പൗരന്മാർക്ക് അവരുടെ നമ്പർ പ്ലേറ്റുകളുടെ ഉടമസ്ഥതയുണ്ട്. അതിനാൽ അവർക്ക് വിൽക്കുവാനോ ലേലത്തിന് വിൽക്കാനോ കഴിയും. ഖാന്റെ മറ്റ് നിരവധി നമ്പ‍ർ പ്ലേറ്റുകളും മുമ്പ് ഇത്തരത്തിൽ വില്പനയ്ക്ക് വച്ചിട്ടുണ്ട്.

നിലവിലെ റെക്കോ‍ർഡ്

67 കോടി രൂപയ്ക്ക് വിറ്റ 'ഡി 5' എന്ന നമ്പ‍ർ പ്ലേറ്റാണ് നിലവിലെ ഏറ്റവും വില കൂടിയ നമ്പ‍ർ പ്ലേറ്റ്. 2008ൽ 66 കോടിയുടെ മറ്റൊരു നമ്പ‍ർ പ്ലേറ്റും ഇത്തരത്തിൽ വിറ്റിരുന്നു '1' എന്ന നമ്പറാണ് 66 കോടിക്ക് വിറ്റത്.