തുടര്ച്ചയായ ഏഴാമത്തെ വ്യാപാര ദിനത്തിലും ഓഹരി സൂചികകളില് നേട്ടം. വ്യാപാരം ആരംഭിച്ചയുടനെ സെന്സെക്സ് 107 പോയന്റ് ഉയര്ന്ന് 34,208ലും നിഫ്റ്റി 27 പോയന്റ് ഉയര്ന്ന് 10,486ലുമെത്തിയിരുന്നു.
ഇന്നലെ സെന്സെക്സ് 160.69 പോയന്റ് നേട്ടത്തില് 34101.13ലും നിഫ്റ്റി 41.50 പോയന്റ് ഉയര്ന്ന് 10458.70ലുമാണ് വ്യാപാരം അവസാനിപ്പിച്ചത്. ഉപഭോക്തൃ സൂചിക അടിസ്ഥാനമാക്കിയുള്ള പണപ്പെരുപ്പ നിരക്കുകള് കുറഞ്ഞതാണ് സൂചികകളിൽ നേട്ടമുണ്ടാകാൻ കാരണം.
വേദാന്ത, ഹിന്ഡാല്കോ, ഡോ.റെഡ്ഡീസ് ലാബ്, ഐഒസി, കൊട്ടക് മഹീന്ദ്ര ബാങ്ക്, ടിസിഎസ്, ഇന്ഫോസിസ്, എച്ച്സിഎല് ടെക്, ആക്സിസ് ബാങ്ക് തുടങ്ങിയ ഓഹരികള് രണ്ട് ശതമാനത്തോളം നേട്ടത്തിലാണ് ഇന്ന് വ്യാപാരം അവസാനിപ്പിച്ചത്.
സണ് ഫാര്മ, ഇന്ഡസിന്റ് ബാങ്ക്, ഹിന്ദുസ്ഥാന് യുണിലിവര്, ടാറ്റാ മോട്ടോഴ്സ് തുടങ്ങിയ ഓഹരികള് സമ്മര്ദത്തിലായിരുന്നു. ഐടി, ഓഹരികളാണ് ഇന്നലെയും മികച്ച നേട്ടമുണ്ടാക്കിയത്. ലോഹം, പൊതുമേഖല ബാങ്ക്, റിയാല്റ്റി, ഫാര്മ ഓഹരികള് കാര്യമായ നേട്ടം ഉണ്ടാക്കിയിരുന്നില്ല. എസ്ബിഐ, ആക്സിസ് ബാങ്ക്, ബി.പി.സി.എൽ, ബജാജ്, ഫിൻസർവ് എന്നീ ഓഹരികളാണ് ഇന്ന് ഏറ്റവും കൂടുതൽ നഷ്ടം രേഖപ്പെടുത്തിയത്.
malayalam.goodreturns.in