ഓഹരി സൂചികകള്‍ ഇന്ന് മികച്ച നേട്ടത്തില്‍ ക്ലോസ് ചെയ്തു.സെന്‍സെക്‌സ് 268.10 പോയന്റ് ഉയര്‍ന്ന് 34981.70ലും നിഫ്റ്റി 77.50 പോയന്റ് നേട്ടത്തില്‍ 10695.30ലുമാണ് വ്യാപാരം അവസാനിപ്പിച്ചത്.

ബാങ്കിംഗ്, ക്യാപിറ്റല്‍ ഗുഡ്സ്, ഓട്ടോ, ഓയിൽ ആൻഡ് ഗ്യാസ് തുടങ്ങിയ ഓഹരികളാണ് ഇന്ന് കൂടുതൽ നേട്ടമുണ്ടാക്കിയത്. ഏഷ്യൻ വിപണിയിലെ നേട്ടവും വിപണിക്ക് തുണയായിട്ടുണ്ട്.

ഐടി ഓഹരികൾ നഷ്ടത്തിലായിരുന്നു. എൻഎസ്ഇയിൽ ഐടി ഒഴികെയുള്ള മിക്ക സെക്ടറുകളും നേട്ടത്തിലായിരുന്നു. വിപ്രോ, ടിസിഎസ്, ടെക് മഹീന്ദ്രാ, ഇൻഡസ്ഇൻഡ് ബാങ്ക്, എച്ച്‌സിഎല്‍ ടെക്, ഒഎന്‍ജിസി, സിപ്ല, എന്നിവയാണ് കൂടുതൽ നഷ്ടം നേരിട്ട ഓഹരികൾ. ബിഎസ്ഇയിൽ ഐടി, ടെക് സെക്ടറുകൾ നഷ്ടത്തിലാണ്.

ആക്സിസ് ബാങ്ക്, എസ്ബിഐ, ഐസിഐസിഐ ബാങ്ക്, റിലയന്‍സ്, മാരുതി സുസുക്കി, ടാറ്റ മോട്ടോഴ്‌സ്, ടാറ്റ സ്റ്റീല്‍, ഐടിസി, ഹീറോ മോട്ടോര്‍കോര്‍പ്, സണ്‍ ഫാര്‍മ, ഭാരതി എയര്‍ടെല്‍ എന്നിവയാണ് ഏറ്റവും മികച്ച നേട്ടം കൊയ്ത ഓഹരികൾ. ബിഎസ്ഇയിലെ 1410 കമ്പനികളുടെ ഓഹരികള്‍ നേട്ടത്തിലും 1226 ഓഹരികള്‍ നഷ്ടത്തിലുമായിരുന്നു.

malayalam.goodreturns.in