ഉപഭോക്താക്കൾക്ക് ഏറ്റവും പുതിയ ഓഫറുമായി എസ്ബിഐ രംഗത്ത്. 2018 ഓഗസ്റ്റ് വരെ പുതിയ അക്കൌണ്ടുകൾ തുടങ്ങുന്നതിന് മിനിമം ബാലൻസ് ആവശ്യമില്ലെന്നാണ് ബാങ്ക് അറിയിച്ചിരിക്കുന്നത്.
ഈ ഓഫർ സേവിംഗ്സ് അക്കൌണ്ടിൽ മിനിമം ബാലൻസ് നിലനിർത്താനാകാത്ത ഉപയോക്താക്കൾക്ക് വലിയ ആശ്വാസമാണ്. ഇൻസ്റ്റാ സേവിംഗ്സ് അക്കൗണ്ട് എന്ന ഈ അക്കൌണ്ട് തുടങ്ങാൻ ഉപഭോക്താക്കൾക്ക് ബാങ്ക് ശാഖകൾ സന്ദർശിക്കേണ്ട ആവശ്യമില്ല. യോനോ ആപ്പ് വഴി ഈ അക്കൌണ്ട് തുറക്കാം.
ഉപഭോക്താക്കൾക്ക് അക്കൌണ്ട് തുടങ്ങാൻ രേഖകളും മറ്റും സമർപ്പിക്കേണ്ട ആവശ്യമില്ല. എന്നാൽ ആധാർ, പാൻ (പെർമനന്റ് അക്കൗണ്ട് നമ്പർ) കാർഡ് വിശദാംശങ്ങൾ കൈയിൽ കരുതണം. കൂടാതെ ഈ അക്കൗണ്ട് തുറക്കുന്നവർക്ക് റുപെ ഡെബിറ്റ് കാർഡും ലഭിക്കുന്നതാണ്.
ഇൻസ്റ്റാ സേവിംഗ്സ് അക്കൗണ്ട് ഒരു വർഷത്തിനുള്ളിൽ ഒരു സാധാരണ സേവിംഗ് അക്കൗണ്ടായി പരിവർത്തനം ചെയ്യാവുന്നതാണ്. ഇതിനായി ഉപഭോക്താക്കൾക്ക് അവരുടെ ബാങ്ക് ശാഖകൾ സന്ദർശിക്കേണ്ടി വരും. ഈ വർഷം ആഗസ്റ്റ് വരെ ഈ അക്കൗണ്ടിന് മിനിമം ബാലൻസ് നിലനിർത്തേണ്ടതില്ല. 18 വയസ്സിന് മുകളിലുള്ള എല്ലാ ഇന്ത്യൻ സ്വദേശികൾക്കും അക്കൌണ്ട് തുറക്കാം.
malayalam.goodreturns.in