സംസ്ഥാനത്ത് കഴിഞ്ഞ അഞ്ച് ദിവസമായി നിശ്ചലമായിരുന്ന സ്വര്ണ വിലയില് ഇന്ന് മാറ്റം. പവന് 80 രൂപ കൂടി 23,2800 രൂപയും ഗ്രാമിന് 10 രൂപ കൂടി 2,910 രൂപയിലുമാണ് ഇന്ന് വ്യാപാരം പുരോഗമിക്കുന്നത്.
തിങ്കളാഴ്ച പവന് 80 രൂപ വര്ദ്ധിച്ചിരുന്നു. അതിന് ശേഷം ഇന്നാണ് വിലയിൽ മാറ്റമുണ്ടാകുന്നത്. ആഗോള വിപണിയില് സ്വര്ണ വില കൂടിയതാണ് ആഭ്യന്തര വിപണിയിലും വിലയില് മാറ്റമുണ്ടാകാൻ കാരണമെന്ന് വ്യാപാരികൾ പറയുന്നു.
ഈ മാസത്തെ ഏറ്റവും ഉയർന്ന നിരക്കാണ് ഇന്നത്തേത്. മേയ് മാസത്തിലെ ഏറ്റവും കുറഞ്ഞ വില 23,040 രൂപയാണ്. കഴിഞ്ഞ മാസം 23,280 രൂപ വരെ വില ഉയര്ന്നിരുന്നുവെങ്കിലും പിന്നീട് ചെറിയ തോതില് വില കുറയുന്നതാണ് കണ്ടത്.
ഏപ്രിൽ മാസത്തേക്കാൾ വില കുറവാണ് മേയ് ആദ്യ ആഴ്ച്ചയിലെ വില. ഏപ്രിൽ ആദ്യം മുതൽ വിലയിൽ ഉയർച്ചയാണ് രേഖപ്പെടുത്തിയിരുന്നത്. ഏപ്രിലിലെ ഏറ്റവും കുറഞ്ഞ വില 22600 രൂപയാണ്. എന്നാൽ കഴിഞ്ഞ വര്ഷത്തെ അപേക്ഷിച്ച് സംസ്ഥാനത്ത് സ്വര്ണത്തിന് പൊതുവെ കൂടിയ വിലയാണിപ്പോഴുള്ളത്.
malayalam.goodreturns.in