കഴിഞ്ഞ അഞ്ച് ദിവസത്തെ നഷ്ട്ടത്തിന് ശേഷം ഓഹരി വിപണി ഇന്ന് നേട്ടത്തിൽ ക്ലോസ് ചെയ്തു. സെൻസെക്സ് 35.11 പോയന്റ് ഉയർന്ന് 34,651.24 ലും നിഫ്റ്റി 20 പോയന്റ് ഉയർന്ന് 10,536.70 ലുമാണ് ക്ലോസ് ചെയ്തത്.

ബജാജ് ഫിനാൻസ്, ബജാജ് ഫിൻസേർവ്, ബെർജർ പെയിന്റ്സ് എന്നീ ഓഹരികൾ മികച്ച പ്രകടനമാണ് ഇന്ന് കാഴ്ച്ചവച്ചത്. അശോക് ലെയ്ലാൻഡ്, ഹാവെൽസ് ഇന്ത്യ, സ്ട്രൈഡ്സ് ഷാസൺ, ജെറ്റ് എയർവെയ്സ്, ജസ്റ്റ് ഡയൽ, മോട്ടിലാൽ ഓസ്വൽ, എൻഡുറൻസ് ടെക്നോളജീസ് എന്നീ ഓഹരികൾ 15 ശതമാനം വരെ നേട്ടമുണ്ടാക്കി.

അദാനി പവർ, ജിവികെ പവർ എന്നിവ 3 ശതമാനം വരെ താഴ്ന്നു. മാർച്ചിൽ അവസാനിച്ച ത്രൈമാസത്തിൽ ലാഭത്തിൽ ഇടിവുണ്ടായെങ്കിലും ഡോ. റെഡ്ഡീസ് ലബോറട്ടറീസിന്റെ ഓഹരി വില 8 ശതമാനം ഉയർന്നു. കമ്പനിയുടെ അറ്റാദായം 3.3 ശതമാനം ഇടിഞ്ഞിരുന്നു.

ഇരു സൂചികകളിലും ഐടി സെക്ടർ ഇന്ന് നഷ്ടത്തിലായിരുന്നു. വ്യാപാര ആരംഭത്തിൽ നഷ്ടത്തിലായിരുന്നെങ്കിലും എഫ്എംസിജി പിഎസ്‌യു ബാങ്ക് വിഭാഗം സ്റ്റോക്കുകൾ തിരിച്ചു വരവ് നടത്തി.

malayalam.goodreturns.in