ഓഹരി സൂചികകള്‍ മികച്ച നേട്ടത്തില്‍ ക്ലോസ് ചെയ്തു. സെന്‍സെക്‌സ് 261.76 പോയിന്റ് ഉയര്‍ന്ന് 34,924.87ലും നിഫ്റ്റി 91.30 പോയിന്റ് നേട്ടത്തില്‍ 10,605.20ലുമാണ് വ്യാപാരം അവസാനിപ്പിച്ചത്.

ബിഎസ്ഇയിലെ 1635 കമ്പനികളുടെ ഓഹരികള്‍ നേട്ടത്തിലും 1001 ഓഹരികള്‍ നഷ്ടത്തിലുമായിരുന്നു. ഹിന്‍ഡാല്‍കോ, ഒഎന്‍ജിസി, ടാറ്റ സ്റ്റീല്‍, ടാറ്റ മോട്ടോഴ്‌സ്, ഹീറോ മോട്ടോര്‍കോര്‍പ്, മാരുതി സുസുകി, ഭാരതി എയര്‍ടെല്‍, എച്ച്ഡിഎഫ്‌സി ബാങ്ക്, ഹിന്ദുസ്ഥാന്‍ യുണിലിവര്‍, ഇന്‍ഫോസിസ്, സിപ്ല തുടങ്ങിയ ഓഹരികള്‍ നേട്ടത്തിലായിരുന്നു.

പേജ് ഇൻഡസ്ട്രീസ്, കാസ്ട്രോൾ, അദാനി പവർ, അവന്യൂ സൂപ്പർമാർട്ട്സ്, കാഡില ഹെൽത്ത് കെയർ, ഗേറ്റ് വേ ഡിസ്ട്രിപാർക്സ്, എംസിഎക്സ് എന്നീ ഓഹരികൾ 20 ശതമാനം വരെ ഉയർന്നു.

കോള്‍ ഇന്ത്യ, ടെക് മഹീന്ദ്ര, ഐടിസി, ഐസിഐസിഐ ബാങ്ക്, എസ്ബിഐ, ടിസിഎസ്, ഡോ.റെഡ്ഡീസ് ലാബ്, ഏഷ്യന്‍ പെയിന്റ്‌സ് തുടങ്ങിയ ഓഹരികള്‍ നഷ്ടത്തിലാണ് ക്ലോസ് ചെയ്തത്. ഗ്രാന്യൂൾസ് ഇന്ത്യ 5 ശതമാനവും ഐഡിബിഐ ബാങ്ക് 2 ശതമാനവും ഇടിഞ്ഞു.

malayalam.goodreturns.in