സംസ്ഥാനത്ത് സ്വർണ വിലയിൽ ഇന്ന് കുറവ് രേഖപ്പെടുത്തി. പവന് 80 രൂപ കുറഞ്ഞ് 23,040 രൂപയ്ക്കും ഗ്രാമിന് 10 രൂപ കുറഞ്ഞ് 2890 രൂപയ്ക്കുമാണ് ഇന്ന് വ്യാപാരം നടക്കുന്നത്.

ഇന്നലെ സ്വർണ വില പവന് 80 രൂപ കൂടി 23160 രൂപയിലെത്തിയിരുന്നു. എന്നാൽ ഇന്ന് വില വീണ്ടും കുറഞ്ഞു. മേയ് മാസത്തിലെ ഏറ്റവും കുറഞ്ഞ വില 23,000 രൂപയാണ്. ഈ മാസം നാല് ദിവസം ഈ വിലയ്ക്ക് വ്യാപാരം നടന്നിരുന്നു.

ആ​ഗോള വിപണിയിൽ സ്വ‍ർണ വില ഇടിഞ്ഞതാണ് ആഭ്യന്തര വിപണിയിലും വില കുറയാൻ കാരണം. ഈ മാസത്തെ ഏറ്റവും കൂടിയ വില 23,400 രൂപയാണ്. ഈ മാസം ആദ്യം മുതൽ വിലയിൽ കാര്യമായ ഏറ്റക്കുറച്ചിലുകൾ രേഖപ്പെടുത്തുന്നുണ്ട്. എന്നാൽ ഈ മാസം ഏറ്റവും കൂടുതൽ വ്യാപാരം നടന്നത് 23120 രൂപയ്ക്കാണ്.

ഏപ്രിലിലെ ഏറ്റവും കുറഞ്ഞ വില 22600 രൂപയാണ്. ഏറ്റവും കൂടിയ വില 23,280 രൂപയും. കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം ഉയർന്ന വിലയാണ് രേഖപ്പെടുത്തിയത്.

malayalam.goodreturns.in