അഞ്ച് ദിവസത്തിന് ശേഷം സ്വര്ണ വിലയില് ഇന്ന് വർദ്ധനവ്. പവന് 80 രൂപ കൂടി 22,920 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 10 രൂപ വർദ്ധിച്ച് 2,865 രൂപയാണ് വില.
കഴിഞ്ഞ ആറ് ദിവസമായി പവന് 22,840 രൂപയും ഗ്രാമിന് 2,855 രൂപയുമായിരുന്നു സ്വർണ വില. കഴിഞ്ഞ ഒരു മാസത്തിനിടയിലെ ഏറ്റവും കുറഞ്ഞ നിരക്കായിരുന്നു ഇത്. ഒരാഴ്ച്ചയോളം വില മാറ്റമില്ലാതെ തുടർന്നു.
22,960 രൂപയാണ് ഈ മാസത്തെ ഏറ്റവും ഉയർന്ന വില. ജൂൺ ഒന്നിനാണ് ഈ വിലയ്ക്ക് വ്യാപാരം നടന്നത്. ജൂൺ 2ന് ശേഷം ഇന്നാണ് സ്വർണ വിലയിൽ മാറ്റം രേഖപ്പെടുത്തുന്നത്. മേയിൽ 23000 രൂപയായിരുന്നു ഏറ്റവും കുറഞ്ഞ നിരക്ക്. എന്നാൽ ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.
കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ. ആഗോള വിപണിയിലെ വില വർദ്ധനവാണ് ഇന്ന് ആഭ്യന്തര വിപണിയിലും പ്രതിഫലിച്ചത്.
malayalam.goodreturns.in