സ്വര്ണ വില ഇന്നും കൂടി. പവന് 80 രൂപയാണ് ഇന്ന് വര്ദ്ധിച്ചത്. 23,000 രൂപയാണ് പവന്റെ ഇന്നത്തെ വില. ഗ്രാമിന് 10 രൂപ വര്ധിച്ച് 2,875 രൂപയിലാണ് വ്യാപാരം പുരോഗമിക്കുന്നത്. പവന് 22,920 രൂപയും ഗ്രാമിന് 2,865 രൂപയുമാണ് ഇന്നലത്തെ വില.
തുടര്ച്ചയായ രണ്ടാം ദിവസമാണ് സ്വർണ വില കൂടുന്നത്. വെള്ളിയാഴ്ചയും വില വര്ദ്ധനവ് രേഖപ്പെടുത്തിയിരുന്നു. കഴിഞ്ഞ ആറ് ദിവസത്തിന് ശേഷമാണ് ഇന്നലെ വില വർദ്ധിച്ചത്. ജൂണ് മാസത്തിലെ ഏറ്റവും ഉയര്ന്ന നിരക്കാണ് ഇന്നത്തേത്. ഈ മാസത്തെ ഏറ്റവും കുറഞ്ഞ നിരക്ക് 22,840 രൂപയാണ്. വില മാറ്റമില്ലാതിരുന്ന ഒരാഴ്ച്ച ഈ വിലയ്ക്കാണ് വ്യാപാരം നടത്തത്.
മേയിൽ 23000 രൂപയായിരുന്നു ഏറ്റവും കുറഞ്ഞ നിരക്ക്. എന്നാൽ ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.
കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ. ആഗോള വിപണിയിലെ വില വർദ്ധനവാണ് ഇന്ന് ആഭ്യന്തര വിപണിയിലും പ്രതിഫലിച്ചത്.
malayalam.goodreturns.in