സ്വര്‍ണ വിലയില്‍ ഇന്നും മാറ്റമില്ല. ഇത് മൂന്നാം ദിവസമാണ് ആഭ്യന്തര വിപണിയില്‍ സ്വ‍ർണ വില മാറ്റമില്ലാതെ നില നില്‍ക്കുന്നത്. പവന് 23,000 രൂപയിലും ഗ്രാമിന് 2,875 രൂപയിലുമാണ് വ്യാപാരം പുരോഗമിക്കുന്നത്.

ജൂണ്‍ മാസത്തിലെ ഏറ്റവും ഉയര്‍ന്ന നിരക്കാണിത്. ശനിയാഴ്ച്ചയാണ് സ്വ‍ർണ വിലയിൽ അവസാനമായി മാറ്റമുണ്ടായത്. ആറ് ദിവസത്തിന് ശേഷമാണ് ശനിയാഴ്ച്ച വില വർദ്ധിച്ചത്. അതുവരെ ഏറ്റവും കുറഞ്ഞ വിലയായ 22,840 രൂപയ്ക്കാണ് വ്യാപാരം പുരോ​ഗമിച്ചിരുന്നത്.

മേയിൽ 23000 രൂപയായിരുന്നു ഏറ്റവും കുറഞ്ഞ നിരക്ക്. എന്നാൽ ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.

കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ. ആ​ഗോള വിപണിയിലെ വില വ‍ർദ്ധനവാണ് ഇന്ന് ആഭ്യന്തര വിപണിയിലും പ്രതിഫലിച്ചത്. ഈ മാസം നാല് പ്രാവശ്യം മാത്രമാണ് സ്വ‍ർണ വിലയിൽ മാറ്റം രേഖപ്പെടുത്തിയിട്ടുള്ളൂ.

malayalam.goodreturns.in