സ്വ‍ർണത്തിന് ഈ മാസത്തെ ഏറ്റവും കുറഞ്ഞ നിരക്ക്

സ്വർണ വില കുറഞ്ഞു. ഈ മാസത്തെ ഏറ്റവും കുറഞ്ഞ നിരക്കിനാണ് ഇന്ന് വ്യാപാരം പുരോഗമിക്കുന്നത്. പവന് 80 രൂപ കുറഞ്ഞ് 22,800 രൂപയും ഗ്രാമിന് 10 രൂപ കുറഞ്ഞ് 2850 രൂപയുമാണ് ഇന്നത്തെ വില.

കഴിഞ്ഞ മൂന്ന് ദിവസത്തിന് ശേഷമാണ് ഇന്ന് സ്വർണ വിലയിൽ മാറ്റം രേഖപ്പെടുത്തുന്നത്. പവന് 22880 രൂപയും ഗ്രാമിന് 2860 രൂപയുമായിരുന്നു കഴിഞ്ഞ ദിവസങ്ങളിലെ വില. ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്.

സ്വ‍ർണത്തിന് ഈ മാസത്തെ ഏറ്റവും കുറഞ്ഞ നിരക്ക്

23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. എന്നാൽ ഈ മാസം വിലയിൽ വീണ്ടും കുറവ് രേഖപ്പെടുത്തി. ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.

ആഗോള വിപണിയിൽ വില കുറഞ്ഞതാണ് ഇന്ന് ആഭ്യന്തര വിപണിയിലും വില കുറയാൻ കാരണം. എന്നാൽ കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ.

malayalam.goodreturns.in