ഓഹരി വിപണി ഇന്ന് നഷ്ട്ടത്തിൽ വ്യാപാരം അവസാനിപ്പിച്ചു. സെൻസെക്സ് 114.94 പോയന്റ് നഷ്ടത്തിൽ 35,432.39ലും നിഫ്റ്റി 30.90 പോയിൻറ് നഷ്ടത്തിൽ 10,741.10 ലും ക്ലോസ് ചെയ്തു.

ക്രൂഡ് ഓയിൽ വില മാറ്റത്തെ തുട‍ർന്ന് ഐഒസി, എച്ച്പിസിഎൽ, ബിപിസിഎൽ എന്നീ ഓഹരികൾ 3 മുതൽ 4 ശതമാനം വരെ ഉയർന്നു. ഐസിഐസിഐ ബാങ്ക്, റിലയൻസ് ഇൻഡസ്ട്രീസ് എന്നിവയുടെ ഓഹരികളുടെ വിലയും ഒരു ശതമാനം ഉയ‍ർന്നു. എച്ച്ഡിഎഫ്സി ബാങ്കും നേട്ടമുണ്ടാക്കി.

എസ്ബിഐ, എൽ & ടി, ഐടിസി, മാരുതി, എം & എം, ഡോ റെഡ്ഡീസ് ലാബ്സ്, ആക്സിസ് ബാങ്ക് എന്നീ ഓഹരികൾക്ക് ഇന്ന് സമ്മ‍ർദ്ദം നേരിട്ടു. നിഫ്റ്റി മിഡ്കാപ്പ് സൂചിക 100 പോയിന്റാണ് കുറഞ്ഞത്.

ബൽറാംപൂർ ചിനി, ധാംപുർ ഷു​ഗ‍ർ, യൂണിയൻ ബാങ്ക്, ഇന്ത്യൻ ബാങ്ക്, പിഎൻബി, അവന്തി ഫീഡ്സ്, സ്ട്രൈഡ്സ് ഷാസൺ, എൻസിസി, ജസ്റ്റ് ഡയൽ, ഇന്ത്യാ ബുൾസ് റിയൽ എസ്റ്റേറ്റ്, അഡാനി പവർ, ഐഡിബിഐ ബാങ്ക്, ഇക്വിറ്റാസ് ഹോൾഡിങ്സ്, ബറ്റാ, എസ്കോർട്ട്സ് എന്നീ ഓഹരികൾ ഏഴ് ശതമാനം വരെ ഇടിഞ്ഞു.

malayalam.goodreturns.in