സ്വ‍ർണ വില കുത്തനെ ഇടിഞ്ഞു. പവന് 120 രൂപ കുറഞ്ഞ് 22,680 രൂപയ്ക്കും ​ഗ്രാമിന് 15 രൂപ കുറഞ്ഞ് 2835 രൂപയ്ക്കുമാണ് വ്യാപാരം പുരോ​ഗമിക്കുന്നത്. ഈ മാസത്തെ ഏറ്റവും കുറഞ്ഞ നിരക്കാണ് ഇന്നത്തേത്.

ഇന്നലെ പവന് 22,800 രൂപയും ഗ്രാമിന് 2850 രൂപയുമായിരുന്നു വില. ഇന്നലെയും സ്വർണ വിലയിൽ ഇടിവാണ് രേഖപ്പെടുത്തിയിരുന്നത്. ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്.

23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. എന്നാൽ ഈ മാസം വിലയിൽ വീണ്ടും കുറവ് രേഖപ്പെടുത്തി. ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്. ഇതിനോട് അടുത്ത വിലയാണ് ഇന്നത്തേത്.

ആ​ഗോള വിപണിയിൽ വില കുറഞ്ഞതാണ് ഇന്ന് ആഭ്യന്തര വിപണിയിലും വില കുറയാൻ കാരണം. എന്നാൽ കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ.

malayalam.goodreturns.in