സ്വർണം വാങ്ങാൻ പ്ലാനുണ്ടോ? എങ്കിൽ ഇതാണ് ബെസ്റ്റ് ടൈം. സ്വർണത്തിന് കഴിഞ്ഞ ആറ് ദിവസമായി ഈ മാസത്തെ ഏറ്റവും കുറഞ്ഞ നിരക്കാണ്. പവന് 22,680 രൂപയ്ക്കും ​ഗ്രാമിന് 2835 രൂപയ്ക്കുമാണ് വ്യാപാരം പുരോ​ഗമിക്കുന്നത്.

ആ​ഗോള വിപണിയിലും സ്വർണ വിലയിൽ ഇടിവാണ് രേഖപ്പെടുത്തുന്നത്. ആ​ഗോള വിപണിയിലുണ്ടായ വില ഇടിവാണ് ആഭ്യന്തര വിപണിയിലും വില കുറയാൻ കാരണം. സ്വര്‍ണത്തിന്റെ വില കഴിഞ്ഞ ആറു മാസത്തെ ഏറ്റവും താഴ്ന്ന നിലയിലാണ് ഇപ്പോൾ എത്തിയിരിക്കുന്നത്.

ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്. 23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഏപ്രിലിൽ നിലവിലെ വിലയേക്കാൾ കുറഞ്ഞ വിലയ്ക്ക് വ്യാപാരം നടന്നിരുന്നു. 22600 രൂപയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.

കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ.

malayalam.goodreturns.in