സ്വർണ വില വീണ്ടും കൂപ്പുകുത്തി

സ്വർണ വില വീണ്ടും താഴേയ്ക്ക്. പവന് 80 രൂപ കുറഞ്ഞ് 22,600 രൂപയ്ക്കും ഗ്രാമിന് 10 രൂപ കുറഞ്ഞ് 2825 രൂപയ്ക്കുമാണ് വ്യാപാരം പുരോഗമിക്കുന്നത്. ഈ മാസത്തെ ഏറ്റവും കുറഞ്ഞ നിരക്കാണിത്.

കഴിഞ്ഞ ആറ് ദിവസമായി സ്വർണ വിലയിൽ മാറ്റം രേഖപ്പെടുത്തിയിരുന്നില്ല. പവന് 22,680 രൂപയും ഗ്രാമിന് 2835 രൂപയുമാണ് ഇന്നലെ വരെ സ്വർണത്തിന്റെ വില. ആഗോള വിപണിയിലും സ്വർണ വിലയിൽ ഇടിവാണ് രേഖപ്പെടുത്തുന്നത്. ആഗോള വിപണിയിലുണ്ടായ വില ഇടിവാണ് ആഭ്യന്തര വിപണിയിലും വില കുറയാൻ കാരണം.

ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്. 23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഇതിന് മുമ്പ് സ്വർണത്തിന് ഇത്രയും വില കുറഞ്ഞത് ഏപ്രിലിലായിരുന്നു. ഇന്നത്തെ വിലയായ 22600 രൂപ തന്നെയായിരുന്നു ഏപ്രിലിലെ ഏറ്റവും കുറഞ്ഞ നിരക്ക്.

കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ.

malayalam.goodreturns.in