രണ്ടാഴ്ച്ചയായി വില കുത്തനെ കുറയുകയായിരുന്ന സ്വർണത്തിന് ഇന്ന് വില കൂടി. പവന് 160 രൂപ വർദ്ധിച്ച് 22,760 രൂപയിലും ഗ്രാമിന് 20 രൂപ വര്‍ദ്ധിച്ച് 2,845 രൂപയിലുമാണ് ഇന്ന് വ്യാപാരം പുരോഗമിക്കുന്നത്.

ബുധനാഴ്ച പവന് 80 രൂപ കുറഞ്ഞ ശേഷമാണ് ഇന്ന് വില വര്‍ദ്ധനവുണ്ടായിരിക്കുന്നത്. പവന് 22,600 രൂപയും ​ഗ്രാമിന് 2825 രൂപയുമായിരുന്നു ഇന്നലത്തെ വില. ഒരാഴ്ച്ചയ്ക്ക് ശേഷമാണ് ഇന്നലെ വിലയിൽ മാറ്റം രേഖപ്പെടുത്തിയത്.

ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്. 23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഏപ്രിലിൽ ഇന്നലത്തെ വിലയായ 22600 രൂപ വരെ നിരക്ക് കുറഞ്ഞിട്ടുണ്ട്.

കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നായിരുന്നു വ്യാപാരികളുടെ വിലയിരുത്തൽ. എന്നാൽ മാസാവസാനം ആയതോടെ വില വീണ്ടും ഉയരുന്ന ലക്ഷണങ്ങളാണ് കാണുന്നത്.

malayalam.goodreturns.in