സ്വ‍ർണ വില വീണ്ടും ഇടിഞ്ഞു

സ്വർണ വില വീണ്ടും താഴേയ്ക്ക്. പവന് 120 രൂപ കുറഞ്ഞ് 22640 രൂപയ്ക്കും ഗ്രാമിന് 15 രൂപ കുറഞ്ഞ് 2830 രൂപയ്ക്കുമാണ് വ്യാപാരം പുരോഗമിക്കുന്നത്. ആഗോള വിപണിയിലെ വില ഇടിവാണ് ആഭ്യന്തര വിപണിയിലും വില കുറയാൻ കാരണം.

രണ്ടാഴ്ച്ചയായി വില കുത്തനെ കുറയുകയായിരുന്ന സ്വർണത്തിന് ഇന്നലെ 160 രൂപ കൂടിയിരുന്നു. പവന് 22,760 രൂപയും ഗ്രാമിന് 2,845 രൂപയുമായിരുന്നു ഇന്നലത്തെ വില.

ജൂണ്‍ മാസത്തിലെ ഏറ്റവും ഉയര്‍ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്. 23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്. ഏപ്രിലിൽ 22600 രൂപ വരെ നിരക്ക് കുറഞ്ഞിട്ടുണ്ട്. ഈ മാസവും ഒരു ദിവസം ഈ വിലയ്ക്ക് വ്യാപാരം നടന്നിരുന്നു.

കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും കുറയാൻ സാധ്യതയുണ്ടെന്നാണ് വ്യാപാരികളുടെ വിലയിരുത്തൽ. ആഗോള വിപണിയിൽ കഴിഞ്ഞ ദിവസം സ്വര്‍ണത്തിന്റെ വില കഴിഞ്ഞ ആറു മാസത്തെ ഏറ്റവും താഴ്ന്ന നിലയിൽ എത്തിയിരുന്നു.

malayalam.goodreturns.in