സ്വർണ വിലയിൽ ഇന്ന് കനത്ത ഇടിവ്. പവന് 160 രൂപ കുറഞ്ഞ് 22,480 രൂപയ്ക്കും ഗ്രാമിന് 20 രൂപ കുറഞ്ഞ് 2810 രൂപയ്ക്കുമാണ് ഇന്ന് വ്യാപാരം പുരോഗമിക്കുന്നത്.
പ്രാദേശികമായി ഡിമാന്ഡ് കുറഞ്ഞതും ആഗോള വിപണിയിലെ സാഹചര്യങ്ങളുമാണ് സ്വര്ണ വില കുറയാൻ കാരണം. കഴിഞ്ഞ മൂന്ന് മാസത്തെ ഏറ്റവും കുറഞ്ഞ നിരക്കിലാണ് ഇന്ന് വ്യാപാരം നടക്കുന്നത്. ഇതിന് മുമ്പ് മാർച്ചിലാണ് സ്വർണത്തിന് ഇത്രയും വില കുറഞ്ഞത്. അന്ന് പവന് 22,440 രൂപയായിരുന്നു വില. എന്നാൽ കഴിഞ്ഞ ദിവസം രൂപയുടെ മൂല്യം റെക്കോഡ് ഇടിവില് നിന്ന് തിരിച്ചു കയറിയതും സ്വര്ണ വിലയില് പ്രതിഫലിച്ചിട്ടുണ്ട്.
ഇന്നലെ പവന് 22640 രൂപയും ഗ്രാമിന് 2830 രൂപയുമായിരുന്നു സ്വർണ വില. ജൂണ് മാസത്തിലെ ഏറ്റവും ഉയര്ന്ന നിരക്ക് 23,120 രൂപയാണ്. ജൂൺ 15നാണ് ഈ വിലയ്ക്ക് വ്യാപാരം നടന്നത്. 23000 രൂപയായിരുന്നു കഴിഞ്ഞ മാസത്തെ ഏറ്റവും കുറഞ്ഞ നിരക്ക്.
ഏപ്രിലിൽ 22600 രൂപ വരെ നിരക്ക് കുറഞ്ഞിട്ടുണ്ട്. കഴിഞ്ഞ മാസത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില കുത്തനെ കുറഞ്ഞു.
malayalam.goodreturns.in