ഓഹരി വിപണി ഇന്ന് നേട്ടത്തിൽ ക്ലോസ് ചെയ്തു. സെൻസെക്സ് സൂചിക 114.19 പോയന്റ് ഉയർന്ന് 35,378.60ലും എൻഎസ്ഇ നിഫ്റ്റി 42.60 പോയിന്റ് ഉയർന്ന് 10,699.90ലുമാണ് ക്ലോസ് ചെയ്തത്.

നിഫ്റ്റി മിഡ്കാപ്പ് സൂചിക മുൻനിര കമ്പനികളുടെ നേട്ടം 0.92 ശതമാനം ഉയർന്നു. എന്നാൽ ഇന്നത്തെ മാർക്കറ്റ് വ്യാപാരം അത്ര ശക്തമായിരുന്നില്ല.
ബിഎസ്ഇയിൽ 1,344 ഓഹരികളാണ് ഇന്ന് നേട്ടമുണ്ടാക്കിയത്.

റിലയൻസ് ഇൻഡസ്ട്രീസ്, ഇൻഫോസിസ്, ടിസിഎസ്, മാരുതി സുസുക്കി, ഐടിസി, ബജാജ് ഫിൻസർവ്, ഐഒസി, കൊട്ടക് മഹീന്ദ്ര ബാങ്ക്, ബജാജ് ഫിനാൻസ് എന്നീ ഓഹരികൾ 1 മുതൽ 2 ശതമാനം വരെയാണ് നേട്ടമുണ്ടാക്കിയത്. നിഫ്റ്റിയിലെ നേട്ടത്തിന് കാരണം ഈ ഓഹരികളാണ്.

ഓഹരി സൂചികകൾ ഇന്ന് ആരംഭിച്ചത് നഷ്ട്ടത്തോടെയായിരുന്നു. സെന്‍സെക്‌സ് 33 പോയന്റ് താഴ്ന്ന് 35231ലും നിഫ്റ്റി 11 പോയന്റ് നഷ്ടത്തില്‍ 10,645ലുമാണ് വ്യാപാരം ആരംഭിച്ചത്. ഐസിഐസിഐ ബാങ്ക്, എച്ച്ഡിഎഫ്‌സി, ലുപിന്‍, ഐടിസി, വിപ്രോ, ഹിന്‍ഡാല്‍കോ, സണ്‍ ഫാര്‍മ, മാരുതി സുസുകി തുടങ്ങിയ ഓഹരികള്‍ രാവിലെ നഷ്ടത്തിലായിരുന്നു.

malayalam.goodreturns.in