കഴിഞ്ഞ ഒരാഴ്ച്ചയായി കുത്തനെ ഇടിഞ്ഞ സ്വർണ വിപണിയിൽ വീണ്ടും മുന്നേറ്റം. പവന് 80 രൂപയാണ് ഇന്ന് വർദ്ധിച്ചിരിക്കുന്നത്. ഇതോടെ 22,720 രൂപയായി പവന്‍റെ ഇന്നത്തെ വില. ഗ്രാമിന് 10 രൂപ കൂടി 2,840 രൂപയിലാണ് വ്യാപാരം പുരോഗമിക്കുന്നത്.

തുടർച്ചയായ രണ്ടാം ദിവസമാണ് സ്വർണ വില കൂടുന്നത്. ഇന്നലെ പവന് 160 രൂപ വർദ്ധിച്ചിരുന്നു. 22,640 രൂപയായിരുന്നു ഇന്നലത്തെ വില. ഈ മാസത്തെ ഏറ്റവും ഉയർന്ന വിലയാണ് ഇന്നത്തേത്.

22,480 രൂപയാണ് ഈ മാസത്തെ ഏറ്റവും കുറഞ്ഞ വില. ജൂലൈ ഒന്ന്, മൂന്ന് തീയതികളിൽ ഈ വിലയ്ക്കാണ് വ്യാപാരം നടന്നത്. ജൂണിലെയും ഏറ്റവും കുറഞ്ഞ വില 22,480 രൂപ തന്നെയാണ്.

കഴിഞ്ഞ മാസം അവസാനത്തെ അപേക്ഷിച്ച് സംസ്ഥാനത്ത് ഈ മാസം സ്വർണ വില വീണ്ടും ഉയരുകയാണ്. പ്രാദേശികമായി ഡിമാന്‍ഡ് കുറഞ്ഞതും ആഗോള വിപണിയിലെ സാഹചര്യങ്ങളുമാണ് കഴിഞ്ഞ ആഴ്ച്ച സ്വര്‍ണ വില കുറയാൻ കാരണം.

malayalam.goodreturns.in