അഞ്ച് മാസത്തിനിടയിലെ കുറഞ്ഞ വില

കഴിഞ്ഞ അഞ്ച് മാസത്തിനിടയിലെ ഏറ്റവും കുറഞ്ഞ വിലയാണ് ഇന്നത്തേത്. ഇതിന് മുമ്പ് ഫെബ്രുവരിയിൽ മാത്രമാണ് ഇന്നത്തെ വിലയേക്കാൾ കുറഞ്ഞ വിലയായ 22,240 രൂപയ്ക്ക് വ്യാപാരം നടന്നിട്ടുള്ളത്.

തുടർച്ചയായ ഇടിവ്

കഴിഞ്ഞ നാല് ദിവസം തുടർച്ചയായി സ്വർണ വിലയിൽ ഇടിവാണ് രേഖപ്പെടുത്തുന്നത്. ഇന്നലെ 120 രൂപ കുറഞ്ഞ് 22480 രൂപയ്ക്കും ഗ്രാമിന് 15 രൂപ കുറഞ്ഞ് 2810 രൂപയിലുമാണ് വ്യാപാരം നടന്നത്.

ഈ മാസത്തെ കൂടിയ വില

കഴിഞ്ഞ മാസം അവസാനം മുതൽ സ്വർണ വില ഇടിഞ്ഞിരുന്നെങ്കിലും ജൂലൈ ആദ്യം സ്വർണത്തിന് അൽപ്പം വില കൂടിയിരുന്നു. ഈ മാസത്തെ ഏറ്റവും ഉയർന്ന വില 22,800 രൂപയാണ്. ജൂലൈ 10നാണ് ഈ വിലയ്ക്ക് വ്യാപാരം നടന്നത്.

ഡിമാൻഡ് കുറഞ്ഞു

എന്നാൽ പിന്നീട് വീണ്ടും വില കുറയുന്ന ലക്ഷണങ്ങളാണ് വിപണിയിൽ കാണുന്നത്. പ്രാദേശികമായി ഡിമാന്‍ഡ് കുറഞ്ഞതും ആഗോള വിപണിയിലെ സാഹചര്യങ്ങളുമാണ് ഈ ആഴ്ച്ച സ്വര്‍ണ വില കുറയാൻ കാരണം.

ഇറക്കുമതിയിലും കനത്ത ഇടിവ്

ഇന്ത്യയിൽ സ്വർണത്തിന്റെ ഇറക്കുമതിയിലും കനത്ത ഇടിവാണ് രേഖപ്പെടുത്തുന്നത്. ജൂണിൽ 25 ശതമാനം ഇടിവാണ് സ്വർണ ഇറക്കുമതിയിൽ രേഖപ്പെടുത്തിയിരിക്കുന്നത്.