ആഴ്ചയുടെ ആദ്യ ദിനമായ ഇന്ന് ഓഹരി സൂചികകളില്‍ വൻ നേട്ടം. സെൻസെക്സ് റെക്കോർഡ് ഉയരത്തിലാണ് ഇന്ന് ക്ലോസ് ചെയ്തത്. സെൻസെക്സ് 222.23 പോയന്റ് ഉയർന്ന് 36,718.60ലും നിഫ്റ്റി 74.60 പോയിന്റ് ഉയർന്ന് 11084.80ലും വ്യാപാരം അവസാനിപ്പിച്ചത്.

വിപണിയിൽ 1533 ഓഹരികൾ ഇന്ന് നേട്ടമുണ്ടാക്കിയപ്പോൾ 1061 ഓഹരികൾ തകർന്നു. 180 ഓഹരികൾ മാറ്റമില്ലാതെയും തുടർന്നു. അവസാന മണിക്കൂറുകളിൽ മിഡ്കാപ്സ്, പി.എസ്.യു. ബാങ്കുകൾ, മെറ്റൽ, എഫ്.എം.സി.ജി തുടങ്ങിയ ഓഹരികൾ നേട്ടമുണ്ടാക്കിയതാണ് വിപണിയിൽ വൻ കുതിപ്പുണ്ടാകാൻ കാരണം.

എനർജി, ഐ.ടി ഒഴികെയുള്ള എല്ലാ മേഖലകളും ഇന്ന് മികച്ച പ്രകടനമാണ് കാഴ്ച്ച വച്ചത്. ഐടിസി, വേദാന്ത, യു.പി.എൽ എന്നീ ഓഹരികളാണ് ഇന്ന് ഏറ്റവും കൂടുതൽ നേട്ടമുണ്ടാക്കിയത്. എന്നാൽ ഹീറോ മോട്ടോകോർപ്, ബജാജ് ഓട്ടോ എന്നിവ ഏറ്റവും കൂടുതൽ നഷ്ടം നേരിട്ടു.

ഏഷ്യന്‍ പെയിന്റ്‌സ്, ഭാരതി എയര്‍ടെല്‍, ആക്‌സിസ് ബാങ്ക്, ഐസിഐസിഐ ബാങ്ക്, ഇന്‍ഫോസിസ്, എസ്ബിഐ, സണ്‍ ഫാര്‍മ, പവര്‍ ഗ്രിഡ്, ടാറ്റ മോട്ടോഴ്‌സ് എന്നിവയാണ് നേട്ടമുണ്ടാക്കിയ മറ്റ് ഓഹരികൾ.

malayalam.goodreturns.in