ഓഹരി സൂചികകളായ സെൻസെക്സും നിഫ്റ്റിയും ഇന്നും റെക്കോ‍ർഡ് നേട്ടം തുടരുന്നു. നിക്ഷേപക‍ർ വൻ തോതിൽ ഓഹരികളിൽ നിക്ഷേപം നടത്തുകയാണിപ്പോൾ.

സെൻസെക്സ് 200 പോയിന്റ് ഉയർന്ന് 36,200 പോയിന്റിൽ വ്യാപാരമാരംഭിച്ചപ്പോൾ നിഫ്റ്റി 61 പോയിന്റ് ഉയർന്നു. ഏഷ്യൻ വിപണികൾ ഇന്ന് മൊത്തത്തിൽ നേട്ടത്തിലാണ്.

യുഎസ് ഓഹരി വിപണികൾ ഇന്നലെ നഷ്ട്ടത്തിലാണ് വ്യാപാരം അവസാനിപ്പിച്ചത്. ഫേസ്ബുക്കിന്റെ ഓഹരികൾ ഇടിഞ്ഞതാണ് ഇന്നലെ യുഎസ് വിപണിയിൽ നഷ്ട്ടത്തിന് കാരണമായത്. ഇന്ത്യൻ വിപണിയിൽ ഇന്നലെ എച്ച്ഡിഎഫ്സി ബാങ്ക്, ലാർസൻ ആൻറ് ട്യൂബ്രോ എന്നീ ഓഹരികളുടെ മികച്ച കുതിപ്പോടെയാണ് സെൻസെക്സ് ഇതുവരെ ഉയരാത്ത 37000 പോയിന്റ് നേട്ടത്തിൽ എത്തിയത്.

ഐടിസി, വേദാന്ത, ലുപിന്‍, ഹീറോമോട്ടോര്‍കോര്‍പ്, ഐസിഐസിഐ ബാങ്ക്, ബജാജ് ഓട്ടോ, ടാറ്റ സ്റ്റീല്‍, വിപ്രോ, ടാറ്റ മോട്ടോഴ്‌സ്, ഏഷ്യന്‍ പെയിന്റ്‌സ്, സണ്‍ ഫാര്‍മ, റിലയന്‍സ്, ഇന്‍ഫോസിസ്, യുപിഎല്‍, സിപ്ല തുടങ്ങിയ ഓഹരികള്‍ ഇന്ന് നേട്ടത്തിലാണ്. ഡോ.റെഡ്ഡീസ് ലാബ്, ഒഎന്‍ജിസി, എസ്ബിഐ, ടെക് മഹീന്ദ്ര, ടിസിഎസ്, മാരുതി സുസുകി, കോള്‍ ഇന്ത്യ, ഹിന്ദുസ്ഥാന്‍ യുണിലിവര്‍, ആക്‌സിസ് ബാങ്ക് തുടങ്ങിയ ഓഹരികള്‍ നഷ്ടത്തിലാണ്.