സ്വർണത്തിന് വീണ്ടും ഈ മാസത്തെ ഏറ്റവും കുറഞ്ഞ വില

സ്വര്‍ണ വിലയില്‍ ഇന്ന് കുറവ് രേഖപ്പെടുത്തി. പവന് 160 രൂപ കുറഞ്ഞ് 22,200 രൂപയിലാണ് വ്യാപാരം പുരോഗമിക്കുന്നത്. ഗ്രാമിന് 20 രൂപ കുറഞ്ഞ് 2,775 രൂപയായി. ഈ മാസത്തെ ഏറ്റവും കുറഞ്ഞ നിരക്കാണിത്.

ഇന്നലെ പവന് 80 രൂപ കൂടിയ ശേഷമാണ് ഇന്ന് വില കുറഞ്ഞത്. പവന് 22,360 രൂപയിലായിരുന്നു ഇന്നലെ വ്യാപാരം നടന്നത്. കഴിഞ്ഞ ആഴ്ച്ച മൂന്ന് ദിവസവും ഇന്നത്തെ വിലയായ 22,200 രൂപയ്ക്ക് വ്യാപാരം നടന്നിരുന്നു. ജൂലൈ 18, 19, 20 തീയതികളിലാണ് ഇതേ വിലയ്ക്ക് വിൽപ്പന നടന്നത്.

സ്വർണത്തിന് വീണ്ടും ഈ മാസത്തെ ഏറ്റവും കുറഞ്ഞ വില

ജനുവരിക്ക് ശേഷമുള്ള ഏറ്റവും കുറഞ്ഞ വിലയാണ് ഇത്. ജനുവരിയിൽ സ്വർണ വില 21,760 രൂപ വരെ കുറഞ്ഞിരുന്നു. അതിന് ശേഷം ഈ മാസമാണ് വിലയിൽ ഇത്രയും വലിയ ഇടിവ് രേഖപ്പെടുത്തുന്നത്.

കഴിഞ്ഞ മാസം അവസാനം മുതൽ സ്വർണ വില ഇടിഞ്ഞിരുന്നെങ്കിലും ജൂലൈ ആദ്യം സ്വർണത്തിന് അൽപ്പം വില കൂടിയിരുന്നു. ഈ മാസത്തെ ഏറ്റവും ഉയർന്ന വില 22,800 രൂപയാണ്. ജൂലൈ 10നാണ് ഈ വിലയ്ക്ക് വ്യാപാരം നടന്നത്.

malayalam.goodreturns.in