സംസ്ഥാനത്ത് കഴിഞ്ഞ ഒരാഴ്ചയായി സ്വര്‍ണ വിലയില്‍ മാറ്റമില്ല. പവന് 22,000 രൂപയും ഗ്രാമിന് 2750 രൂപയുമാണ് ഇപ്പോഴത്തെ വില. കഴിഞ്ഞ ശനിയാഴ്ചയാണ് ഈ വില നിലവാരത്തിലെത്തിയത്.

ഈ മാസം തുടക്കത്തില്‍ സ്വ‍ർണ വില പവന് 21,920 രൂപ വരെ എത്തിയിരുന്നു. ഈ മാസത്തെയും കഴിഞ്ഞ ആറു മാസത്തിനിടയിലെയും ഏറ്റവും കുറഞ്ഞ വിലയായിരുന്നു ഇത്. ആ​ഗസ്റ്റ് മൂന്നിനാണ് ഈ വിലയ്ക്ക് വ്യാപാരം നടന്നത്. എന്നാല്‍ കഴിഞ്ഞ മാസങ്ങളെ അപേക്ഷിച്ച് കുറഞ്ഞ വിലയിലാണ് ഇപ്പോള്‍ സംസ്ഥാനത്ത് സ്വര്‍ണ വ്യാപാരം നടക്കുന്നത്.

കഴിഞ്ഞ മാസത്തെ ഏറ്റവും കുറഞ്ഞ വില 22120 രൂപയാണ്. എന്നാൽ ആഗസ്റ്റ് ആദ്യ വാരം തന്നെ വില വീണ്ടും താഴേയ്ക്ക് പോന്നു. ഈ മാസം സ്വർണ വില വീണ്ടും കുറയുന്ന ലക്ഷണങ്ങളാണ് വിപണിയിൽ കാണുന്നതെന്ന് വ്യാപാരികൾ പറയുന്നു.

കഴിഞ്ഞ മാസം അവസാനം മുതൽ സ്വർണ വില ഇടിഞ്ഞിരുന്നെങ്കിലും ജൂലൈ ആദ്യം സ്വർണത്തിന് അൽപ്പം വില കൂടിയിരുന്നു. ജൂലൈയിലെ ഏറ്റവും ഉയർന്ന വില 22,800 രൂപയാണ്.

malayalam.goodreturns.in