സ്വര്‍ണ വില ഇന്ന് കൂടി. പവന് 120 രൂപയാണ് ഇന്ന് വര്‍ദ്ധിച്ചത്. എട്ട് ദിവസത്തിന് ശേഷമാണ് ആഭ്യന്തര വിപണിയില്‍ പവന്റെ വില മാറുന്നത്. 22,120 രൂപയാണ് പവന്റെ ഇന്നത്തെ വില.

ഗ്രാമിന് 15 രൂപ വര്‍ദ്ധിച്ച് 2,765 രൂപയിലാണ് വ്യാപാരം പുരോഗമിക്കുന്നത്. ഓഗസ്റ്റ് മാസത്തിലെ ഏറ്റവും ഉയര്‍ന്ന നിരക്കാണിത്. ഓഗസ്റ്റ് ഒന്നിനും ഇതേ വിലയ്ക്കാണ് വ്യാപാരം നടന്നത്.

അതിന് ശേഷം സ്വ‍ർണ വില പവന് 21,920 രൂപ വരെ കുറഞ്ഞിരുന്നു. ഈ മാസത്തെയും കഴിഞ്ഞ ആറു മാസത്തിനിടയിലെയും ഏറ്റവും കുറഞ്ഞ വിലയായിരുന്നു ഇത്. ആ​ഗസ്റ്റ് മൂന്നിനാണ് ഈ വിലയ്ക്ക് വ്യാപാരം നടന്നത്. എന്നാല്‍ കഴിഞ്ഞ മാസങ്ങളെ അപേക്ഷിച്ച് കുറഞ്ഞ വിലയിലാണ് ഇപ്പോഴും സംസ്ഥാനത്ത് സ്വര്‍ണ വ്യാപാരം നടക്കുന്നത്.

കഴിഞ്ഞ മാസത്തെ ഏറ്റവും കുറഞ്ഞ വില ഇന്നത്തെ വിലയായ 22120 രൂപയാണ്. കഴിഞ്ഞ മാസം അവസാനം മുതൽ സ്വർണ വില ഇടിഞ്ഞിരുന്നെങ്കിലും ജൂലൈ ആദ്യം സ്വർണത്തിന് അൽപ്പം വില കൂടിയിരുന്നു. ജൂലൈയിലെ ഏറ്റവും ഉയർന്ന വില 22,800 രൂപയാണ്.

malayalam.goodreturns.in