എടിഎം പാസ്വേർഡ് സൂക്ഷിക്കുക.

എടിഎം ഇടപാടുകൾ പൂർണ്ണമായും സ്വകാര്യതയിൽ നടത്തുക. നിങ്ങളുടെ വ്യക്തിപരമായ ഐഡന്റിഫിക്കേഷൻ നമ്പർ അതായത് എടിഎം പാസ്വേഡ് ആരുമായും പങ്കുവയ്ക്കരുത്. ഇടപാട് പൂർത്തിയായ ശേഷം എ.ടി.എം. സ്ക്രീനിൽ വെൽക്കം സ്ക്രീൻ വന്നു എന്ന് ഉറപ്പാക്കുകയും വേണം. പിൻ നമ്പർ ഓർമ്മിക്കാനായി കാർഡിന് പുറത്തും മറ്റും എഴുതി സൂക്ഷിക്കരുത്.

മൊബൈൽ നമ്പർ ബന്ധിപ്പിക്കുക

നിങ്ങളുടെ നിലവിലെ മൊബൈൽ നമ്പർ ബാങ്കിൽ രജിസ്റ്റർ ചെയ്തിട്ടുണ്ടെന്ന് ഉറപ്പാക്കുക. അതുവഴി നിങ്ങളുടെ എല്ലാ ഇടപാടുകൾക്കും മൊബൈലിലേയ്ക്ക് അലേർട്ട് മെസേജുകൾ ലഭിക്കും. എ.ടി.എം ഇടപാട് നടത്തുമ്പോൾ ചുറ്റുമുള്ള ആളുകളുടെ സംശയാസ്പദമായ ചലനങ്ങൾ ശ്രദ്ധിക്കണം. കൂടാതെ നിങ്ങളോട് സംസാരിക്കാൻ ശ്രമിക്കുന്ന അപരിചിതരെയും ശ്രദ്ധിക്കണം.

എടിഎം കാ‍ർഡ് നഷ്ട്ടപ്പെട്ടാൽ

എടിഎം/ഡെബിറ്റ് കാർഡ് നഷ്ടപ്പെടുകയോ മോഷ്ടിക്കപ്പെടുകയോ ചെയ്താൽ ഉടൻ ബാങ്കിനെ വിരം അറിയിക്കുക. ട്രാൻസാക്ഷൻ അലേർട്ട് എസ്എംഎസുകൾ, ബാങ്ക് സ്റ്റേറ്റ്മെന്റുകൾ എന്നിവ പതിവായി പരിശോധിക്കാനും ശ്രദ്ധിക്കണം.

മൊബൈൽ ഫോൺ സംസാരം ഒഴിവാക്കുക

എടിഎമ്മിൽ പണമിടപാട് നടത്തുന്ന സമയത്ത് മൊബൈൽ ഫോണിൽ സംസാരിക്കുന്നത് ഒഴിവാക്കുക. വ്യക്തിപരമായ വിവരങ്ങൾ ആവശ്യപ്പെടുന്ന മെസേജുകളും മറ്റും എസ്ബിഐയുടേതല്ലെന്നും ബാങ്ക് വ്യക്തമാക്കിയിട്ടുണ്ട്.