കാലാവധി നീട്ടി

കേരളത്തിൽ സെപ്റ്റംബർ 15 വരെയാണ് ആദായ നികുതി റിട്ടേൺ സമർപ്പിക്കുന്നതിനുള്ള സമയപരിധി ദീർഘിപ്പിച്ചത്. ആദ്യം ജൂലൈ 31ന് മുൻപായി ആദായ നികുതി റിട്ടേൺ ഫയൽ ചെയ്യണമെന്നായിരുന്നു അറിയിപ്പെങ്കിലും ഇതു പിന്നീട് ഓ​ഗസ്റ്റ് 31ലേയ്ക്ക് നീട്ടുകയായിരുന്നു. പ്രളയദുരന്തം കണക്കിലെടുത്താണ് കേരളത്തിൽ ഒരിക്കൽക്കൂടി സമയപരിധി നീട്ടീയത്.

പിഴ തുക

ഓ​ഗസ്റ്റ് 31ന് ശേഷം റിട്ടേൺ ഫയൽ ചെയ്താൽ നിങ്ങൾക്ക് പിഴ നൽകേണ്ടി വരും. നി​​കു​​തി​​ക്ക് മു​​മ്പു​​ള്ള വ​​രു​​മാ​​നം അ​ഞ്ചു ല​​ക്ഷം രൂ​​പ​​യി​​ൽ കൂ​​ടു​​ത​​ലാ​​ണെ​​ങ്കി​​ൽ ഡി​​സം​​ബ​​ർ 31 വ​​രെ​​യു​​ള്ള കാ​​ല​​താ​​മ​​സ​​ത്തി​​ന് 5000 രൂ​​പ പി​​ഴ​​യും, അ​ഞ്ചു ല​​ക്ഷം രൂ​​പ​​യി​​ൽ താ​​ഴെ​​യാ​​ണ് നി​​കു​​തി​​ക്കു മുമ്പു​​ള്ള വ​​രു​​മാ​​നം എ​​ങ്കി​​ൽ പി​​ഴ​ത്തു​ക 1000 രൂ​​പയുമാണ്.

മാ​​ർ​​ച്ച് 31 വ​​രെ

മാ​​ർ​​ച്ച് 31 വ​​രെ​​യു​​ള്ള കാ​​ല​​താ​​മ​​സ​​ത്തി​​ന് 10000 രൂ​​പയാണ് 5 ലക്ഷത്തിന് മുകളിൽ വരുമാനമുള്ളവർക്ക് പി​​ഴ​​ ചു​​മ​​ത്തുക. 2019 മാ​​ർ​​ച്ച് 31 ന് ​​ശേ​​ഷം 2017-18 സാ​​മ്പ​​ത്തി​​ക​​ വ​​ർ​​ഷ​​ത്തെ റി​​ട്ടേ​​ണു​​ക​​ൾ സ​​മ​​ർ​​പ്പി​​ക്കാ​​ൻ സാ​​ധി​​ക്കി​​ല്ല.

തിരുത്തലുകൾ വരുത്താം

നിങ്ങളുടെ ആദായ നികുതി റിട്ടേൺ ഫയൽ ചെയ്യുന്നതിനിടെ എന്തെങ്കിലും തെറ്റ് സംഭവിച്ചാൽ, 2019 മാർച്ചിന് മുമ്പ് തിരുത്തലുകൾ വരുത്താവുന്നതാണ്. ആദായ നികുതി റിട്ടേണുകൾ ഇലക്ട്രോണിക്കായി മാത്രമേ സമർപ്പിക്കാനാവൂ. എന്നാൽ സഹജ്, സുഗം ഫോമുകൾ ഉപയോഗിക്കുന്ന 80 വ​​യ​​സോ അ​​തി​​ൽ കൂ​​ടു​​ത​​ലോ ഉ​​ള്ള നി​​കു​​തി​​ദാ​​യ​​ക​​ർ​​ക്ക് ഇ​​ല​​ക്‌ട്രോണി​​ക് മാ​​ർ​​ഗ്ഗ​​ത്തി​​ലൂ​​ടെ റി​​ട്ടേ​​ണു​​ക​​ൾ ഫ​​യ​​ൽ ചെ​​യ്യ​​ണ​​മെ​​ന്ന് നി​​ർ​​ബ​​ന്ധ​​മി​​ല്ല. റിട്ടേൺ സമർപ്പിക്കുന്നതിനു മുമ്പ് അടിസ്ഥാന വിവരങ്ങളായ, പാൻ കാർഡ് നമ്പർ, ബാങ്ക് അക്കൗണ്ട് വിശദാംശങ്ങൾ, ഫോം 16 തുടങ്ങിയ രേഖകൾ കൈയിൽ സൂക്ഷിക്കണം.

തടവ് ശിക്ഷ

ഇത്തവണ റിട്ടേൺ സമർപ്പിക്കാത്തവർക്ക് തടവുശിക്ഷ വരെ കിട്ടുമെന്ന് കാണിച്ച് ആദായനികുതി വകുപ്പ് സർക്കുലർ പുറത്തിറക്കിയിരുന്നു. റിട്ടേൺ സമർപ്പിച്ചില്ലെങ്കിൽ പിഴയും ഏഴു വർഷം വരെ തടവും കിട്ടുമെന്നാണ് മുന്നറിയിപ്പ്.